Pakistan: షాకింగ్ వీడియో, విమానం గాల్లో ఉండగా పాకిస్తాన్ ప్యాసింజర్ పాడు పని, సీటుకు కట్టేసి సెక్యూరిటీకి అప్పగించిన విమాన సిబ్బంది, ప్రయాణికుడిని బ్లాక్ లిస్టులో పెట్టిన పీఐఏ

Karachi, Sep 19: పాకిస్థాన్ ఇంటర్నేషనల్ ఎయిర్‌లైన్స్ (పీఐఏ) విమానంలో ఓ ప్యాసింజర్ నానా హంగామా (Passenger Creates Ruckus) చేశాడు. విమానం గాల్లో ఎగురుతుండగా ఫ్లైట్‌ సిబ్బంది పట్ల దురుసుగా ప్రవర్తించడంతోపాటు విమానం సీట్లు, విండోను పగులగొట్టేందుకు (He Punches Seats and Kicks Windows) ప్రయత్నించాడు.

ఈ నెల 14న పీకే-283 విమానం పాకిస్థాన్‌లోని పెషావర్ నుంచి దుబాయ్‌కు వెళుతున్న విమానం (Peshawar-Dubai Flight) గాల్లో ఉండగా ఒక ప్రయాణికుడు విమానం మధ్యలో ఉన్న దారిలో బోర్లా పడుకున్నాడు. గమనించిన విమాన సిబ్బంది అతడ్ని పైకి లేపి సీటులో కూర్చోవాలని సూచించారు.

ఇదేమి రోగం, డిప్రెషన్‌తో 55 బ్యాటరీలను మింగేసిన మహిళ, నొప్పిని తట్టుకోలేక లబోదిబో మంటూ ఆస్పత్రికి పరుగులు, ఆపరేషన్ చేసి వాటిని తొలగించిన వైద్యులు

ఇది నచ్చని ఆ వ్యక్తి విమాన సిబ్బందితో దురుసుగా ప్రవర్తించాడు. సీట్లను చేతితో పంచ్‌ చేశాడు. ఇంకా దురుసుగా విమానం కిటికీ అద్దాన్ని కాళ్లతో గట్టిగా కొట్టి పగులగొట్టేందుకు ప్రయత్నించాడు. దీంతో అతడి తీరుపై విమానంలోని మిగతా ప్రయాణికులు ఆందోళన చెందారు. ఈ నేపథ్యంలో ఇతర ప్రయాణికులకు ఎలాంటి హాని కలగకుండా ఉండేందుకు నిబంధనల మేరకు ఫ్లైట్‌ సిబ్బంది ఆ వ్యక్తిని ఒక సీటుకు కట్టేశారు.

Here's Video

అనంతరం ఫ్లైట్‌ కెప్టెన్‌ దుబాయ్‌ ఎయిర్‌ ట్రాఫిక్‌ కంట్రోలర్‌కు విషయం వివరించి.. తమ విమానం వద్దకు సెక్యూరిటీని పంపాలని కోరారు. దీంతో ఆ విమానం దుబాయ్‌ విమానాశ్రయంలో ల్యాండ్ కాగానే సెక్యూరిటీ సిబ్బంది ఆ ప్రయాణికుడ్ని కస్టడీలోకి తీసుకున్నారు. మరోవైపు పాకిస్థాన్ ఇంటర్నేషనల్ ఎయిర్‌లైన్స్ (పీఐఏ) సంస్థ ఆ ప్రయాణికుడ్ని బ్లాక్‌లిస్ట్‌లో చేర్చింది.