Layoffs In Swiggy?: ఒక్కసారిగా పెరిగిన స్విగ్గీ నష్టాలు, ఉద్యోగుల తొలగింపు బాటలో ఆన్‌లైన్ ఫుడ్ డెలివరీ ప్లాట్‌ఫామ్, క్లారిటీ ఇచ్చిన Swiggy ప్రతినిధి

ఆన్‌లైన్ ఫుడ్ డెలివరీ ప్లాట్‌ఫామ్ స్విగ్గీ నష్టాలు గత ఆర్థిక సంవత్సరంలో రూ.1,617 కోట్ల నుంచి రూ.3,629 కోట్లకు రెట్టింపు అయ్యాయి. FY22లో మొత్తం ఖర్చులు 131 శాతం పెరిగి రూ.9,574.5 కోట్లకు చేరుకున్నాయి. అదే సమయంలో, స్విగ్గీ ఆదాయం FY21లో రూ. 2,547 కోట్లుగా ఉండగా, FY22లో రూ. 5,705 కోట్లకు 2.2 రెట్లు పెరిగాయి. కంపెనీ మొత్తం ఖర్చులలో ఔట్‌సోర్సింగ్ మద్దతు ఖర్చు 24.5 శాతం.ఇక జనవరి నుంచి 250 మందికి పైగా ఉద్యోగులను లేదా 5 శాతం మంది ఉద్యోగులను స్విగ్గీ తొలగించవచ్చని గత నెలలో నివేదికలు వెలువడ్డాయి.

Swiggyలో ఎటువంటి తొలగింపులు లేవు. మేము మా పనితీరు చక్రాన్ని అక్టోబర్‌లో ముగించాము. అన్ని స్థాయిలలో రేటింగ్‌లు మరియు ప్రమోషన్‌లను ప్రకటించాము. ప్రతి చక్రం మాదిరిగానే, మేము పనితీరు ఆధారంగా నిష్క్రమణలను ఆశిస్తున్నామని Swiggy ప్రతినిధి ఒక ప్రకటనలో తెలిపారు.