Girl Dancing in Hyd Metro: వైరల్ వీడియో.. హైద‌రాబాద్‌ మెట్రో స్టేషన్‌లో యువతి డ్యాన్స్, తీవ్ర ఆగ్రహం వ్యక్తం చేసిన అధికారులు, కేసు నమోదు

హైద‌రాబాద్‌లోని ఓ మెట్రో స్టేష‌న్‌లో ఓ యువతి డ్యాన్స్ వీడియో వైరల్ అయింది. ట్రెడిష‌న‌ల్ డ్ర‌స్ ధ‌రించిన ఆ యువ‌తి.. రా.. రా.. అనే పాట‌కు స్టేష‌న్ ఆవ‌ర‌ణ‌లో స్టెప్పులేయ‌గా, మ‌రో పాట‌కు ఏకంగా క‌దులుతున్న రైల్లోనే మాస్ స్టెప్పులేసి అంద‌ర్నీ మైమ‌రిపించింది. అయితే ఆమె డ్యాన్స్ వేసిన రెండు వీడియోలు మెట్రో రైల్ అధికారుల‌కు చేరాయి. ఆ అమ్మాయి వీడియోల‌పై అధికారులు తీవ్ర ఆగ్ర‌హం వ్య‌క్తం చేశారు. ప్ర‌యాణికుల‌ను ఇబ్బంది పెట్టేవారిపై క‌ఠిన చ‌ర్య‌లు తీసుకుంటామ‌ని హెచ్చ‌రించారు. వీడియో చేసిన యువ‌తిపై మెట్రో అధికారులు పోలీసుల‌కు ఫిర్యాదు చేశారు. కేసు న‌మోదు చేసుకున్న పోలీసులు ద‌ర్యాప్తు చేప‌ట్టారు.