DC vs LSG, IPL 2022: లక్నో సూపర్ జెయింట్స్ హ్యాట్రిక్ విజయం, డికాక్ మెరుపులతో సునాయాసంగా విజయతీరాలకు చేరిన కొత్త ఫ్రాంచైజీ
ఐపీఎల్లో అత్యంత విజయవంతమైన జట్లుగా గుర్తింపు పొందిన చెన్నై సూపర్ కింగ్స్, ముంబై ఇండియన్స్ బోణీ కొట్టేందుకు తీవ్రంగా ఇబ్బంది పడుతున్న చోట కొత్త ఫ్రాంచైజీ లక్నో సూపర్ జెయింట్స్ హ్యాట్రిక్ విజయం నమోదు చేసుకుంది. కట్టుదిట్టమైన బౌలింగ్తో ఢిల్లీ హిట్టర్లను కట్టడి చేసిన లక్నో.. డికాక్ మెరుపులతో సునాయాసంగా విజయతీరాలకు చేరింది.
ఐపీఎల్లో అత్యంత విజయవంతమైన జట్లుగా గుర్తింపు పొందిన చెన్నై సూపర్ కింగ్స్, ముంబై ఇండియన్స్ బోణీ కొట్టేందుకు తీవ్రంగా ఇబ్బంది పడుతున్న చోట కొత్త ఫ్రాంచైజీ లక్నో సూపర్ జెయింట్స్ హ్యాట్రిక్ విజయం నమోదు చేసుకుంది. కట్టుదిట్టమైన బౌలింగ్తో ఢిల్లీ హిట్టర్లను కట్టడి చేసిన లక్నో.. డికాక్ మెరుపులతో సునాయాసంగా విజయతీరాలకు చేరింది. గురువారం జరిగిన పోరులో లక్నో 6 వికెట్ల తేడాతో ఢిల్లీ క్యాపిటల్స్ను చిత్తు చేసి పాయింట్ల పట్టికలో రెండో స్థానానికి ఎగబాకింది. మొదట బ్యాటింగ్ చేసిన ఢిల్లీ క్యాపిటల్స్ నిర్ణీత 20 ఓవర్లలో 3 వికెట్ల నష్టానికి 149 పరుగులు చేసింది. అనంతరం లక్ష్యఛేదనలో లక్నో 19.4 ఓవర్లలో 4 వికెట్లకు 155 పరుగులు చేసింది. ఓపెనర్ క్వింటన్ డికాక్ (52 బంతుల్లో 80; 9 ఫోర్లు, 2 సిక్సర్లు) దంచికొడితే.. ఆఖర్లో ఆయుశ్ బదోనీ (3 బంతుల్లో 10 నాటౌట్; ఒక ఫోర్, ఒక సిక్సర్) తనదైన శైలిలో ఫినిషింగ్ టచ్ ఇచ్చాడు.