India Vs Pakistan: ఇండియా వర్సెస్ పాక్ మ్యాచ్‌లో వర్షం తగ్గకపోతే జరిగేది ఇదే! డక్వర్త్ లూయిస్ ప్రకారం పాక్ విజయలక్ష్యం ఎంత ఉండొచ్చు అంటే?
వర్షం కార‌ణంగా ఇప్ప‌టికే గంట‌కుపైగా ఆట నిలిచిపోయింది. ఒక‌వేళ వాన త‌గ్గినా కూడా ఔట్‌ఫీల్డ్ త‌డిగా ఉండ‌డంతో ఓవ‌ర్ల‌ను కుదించే అవ‌కాశం ఉంది. అయితే.. 7:30కి ఓసారి అంపైర్లు పిచ్‌ను ప‌రిశీలించ‌నున్నారు.
New Delhi, SEP 10: ఆసియా క‌ప్‌లో భార‌త్(Team India), పాకిస్థాన్(Pakistan) సూప‌ర్ 4 మ్యాచ్‌కు పూర్తిగా సాగేలా లేదు. వర్షం కార‌ణంగా ఇప్ప‌టికే గంట‌కుపైగా ఆట నిలిచిపోయింది. ఒక‌వేళ వాన త‌గ్గినా కూడా ఔట్‌ఫీల్డ్ త‌డిగా ఉండ‌డంతో ఓవ‌ర్ల‌ను కుదించే అవ‌కాశం ఉంది. అయితే.. 7:30కి ఓసారి అంపైర్లు పిచ్‌ను ప‌రిశీలించ‌నున్నారు. అప్ప‌టికీ పిచ్ అనుకూలంగా లేకుంటే మ్యాచ్‌ను డక్వర్త్ లూయిస్(Duckworth-Lewis) ప్రకారం 20 ఓవ‌ర్లకు కుదిస్తారు. అదే జ‌రిగితే.. ఆ పాకిస్థాన్‌కు 180 ప‌రుగుల లక్ష్యాన్ని నిర్దేశించనున్నారు.
ఊహించిన‌ట్టుగానే భార‌త్, పాక్ మ్యాచ్‌కు వ‌రుణుడు అంత‌రాయం క‌లిగించాడు. 24.1వ ఓవ‌ర్ స‌మ‌యంలో వాన మొద‌లైంది. దాంతో, గ్రౌండ్ సిబ్బంది పిచ్‌ను ప్లాస్టిక్ క‌వ‌ర్ల‌తో క‌ప్పేశారు. అప్ప‌టికీ భార‌త్ స్కోర్.. 147/2. విరాట్ కోహ్లీ(8), కేఎల్ రాహుల్(17) ఆడుతున్నారు. కొలంబోలోని ప్రేమ‌దాస స్టేడియంలో జ‌రుగుతున్న ఈ మ్యాచ్‌లో భార‌త్ వెంట వెంట‌నే రెండు వికెట్లు కోల్పోయింది. రోహిత్ శ‌ర్మ(56 : 49 బంతుల్లో 6 ఫోర్లు, 4 సిక్స్‌లు) ఔటైన త‌ర్వాతి ఓవ‌ర్లోనే శుభ్‌మ‌న్ గిల్(58 : 52 బంతుల్లో 10 ఫోర్లు) వెనుదిరిగాడు. షాహీన్ ఆఫ్రీదీ ఓవ‌ర్లో అఘా స‌ల్మాన్ చేతికి క్యాచ్ ఇచ్చి ఔట‌య్యాడు. దాంతో, 124 ప‌రుగుల వ‌ద్ద ఇండియా రెండో వికెట్ కోల్పోయింది.