Shubman Gill New Record: విరాట్ కోహ్లీ తర్వాత కెప్టెన్‌గా శుభ్‌మన్ గిల్ సంచలన రికార్డు, ఓ ద్వైపాక్షిక టీ20 సిరీస్‌లో విదేశీ గడ్డపై నాలుగు విజయాలు సాధించిన కెప్టెన్‌గా అరుదైన ఘనత

జింబాబ్వేతో (Zimbabwe) జరిగిన ఐదు మ్యాచ్‌ల టీ20 సిరీస్‌ను భారత జట్టు 4-1 తేడాతో కైవసం చేసుకున్న విషయం తెలిసిందే. తొలి మ్యాచ్‌లో అనూహ్య ఓటమి చవిచూసిన భారత్ (Team India).. ఆ తర్వాత నాలుగు మ్యాచ్‌ల్లో గెలుపొందింది.తాజాగా కెప్టెన్ శుభ్‌మన్ గిల్ (Shubman Gill) ఖాతాలో ఓ అరుదైన రికార్డు చేరింది. ఓ ద్వైపాక్షిక టీ20 సిరీస్‌లో విదేశీ గడ్డపై నాలుగు విజయాలు సాధించిన భారత కెప్టెన్‌గా చరిత్ర సృష్టించాడు. స్టార్ బ్యాటర్ విరాట్ కోహ్లీ (Virat Kohli) తర్వాత ఈ ఫీట్ సాధించింది గిల్ మాత్రమే. ఒక బాల్‌కి 13 పరుగులు, ప్రపంచ రికార్డు నెలకొల్పిన భారత యువ సంచలనం యశస్వీ జైస్వాల్, వీడియో ఇదిగో..

2019-20 సమయంలో విరాట్ కోహ్లీ సారథ్యంలో భారత జట్టు న్యూజీలాండ్‌తో ఐదు మ్యాచ్‌ల టీ20 సిరీస్ ఆడింది. అందులో భారత్ పూర్తిగా ఆధిపత్యం చెలాయించి, 5-0 తేడాతో సిరీస్‌ను క్లీన్ స్వీప్ చేసింది. అయితే.. కోహ్లీ తొలి నాలుగు మ్యాచ్‌లకే నాయకత్వ బాధ్యతలను నిర్వర్తించాడు. ఐదో మ్యాచ్‌కి అతను అందుబాటులో లేకపోవడంతో.. ఆ ఆఖరి గేమ్‌కు రోహిత్ శర్మ నాయకత్వం వహించాడు. ఇప్పుడు ఇన్నేళ్ల తర్వాత జింబాబ్వే సిరీస్‌తో ఆ రికార్డును శుభ్‌మన్ గిల్ తిరగరాశాడు.

దే సిరీస్‌తో శుభ్‌మన్ గిల్ కెప్టెన్‌గా మరో అరుదైన ఘనత కూడా సాధించాడు. భారత జట్టుకి అత్యధిక విజయాలు సాధించిపెట్టిన కెప్టెన్ల జాబితాలో.. ఆరో స్థానాన్ని కైవసం చేసుకున్నాడు. ఈ లిస్టులో రోహిత్ శర్మ 50 విజయాలతో అగ్రస్థానంలో ఉన్నాడు. ఆ తర్వాత ధోనీ (42), విరాట్ కోహ్లీ (32), హార్దిక్ పాండ్యా (10), సూర్యకుమార్ యాదవ్‌ (5) వరుసగా రెండు, మూడు, నాలుగు, ఐదో స్థానాల్లో ఉన్నారు

(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)