Telangana Govt Doctors: తెలంగాణ ప్రభుత్వం సంచలన నిర్ణయం, ఇకపై ప్రభుత్వ వైద్యుల ప్రైవేట్‌ ప్రాక్టీస్‌పై నిషేధం,
తెలంగాణ రాష్ట్ర ప్రభుత్వం వైద్యశాఖలో కీలక నిర్ణయం తీసుకున్నది. వైద్యారోగ్య శాఖలో డైరెక్ట్‌ రిక్రూట్మెంట్ ద్వారా నియమితులయ్యే వైద్యులకు ప్రైవేట్‌ ప్రాక్టీస్‌ను రద్దు చేస్తూ వైద్యారోగ్యశాఖ ఉత్తర్వులు జారీ చేసింది.
Hyderabad: తెలంగాణ రాష్ట్ర ప్రభుత్వం వైద్యశాఖలో కీలక నిర్ణయం తీసుకున్నది. వైద్యారోగ్య శాఖలో డైరెక్ట్‌ రిక్రూట్మెంట్ ద్వారా నియమితులయ్యే వైద్యులకు ప్రైవేట్‌ ప్రాక్టీస్‌ను రద్దు చేస్తూ వైద్యారోగ్యశాఖ ఉత్తర్వులు జారీ చేసింది. నాన్‌ టీచింగ్‌ విభాగం నుంచి టీచింగ్‌ విభాగంలోకి బదిలీ ద్వారా వచ్చేవారు సైతం ప్రైవేట్‌ ప్రాక్టీస్‌ చేయడానికి వీల్లేదని స్పష్టం చేసింది. ఈ మేరకు సర్వీస్‌ రూల్స్‌లో ప్రభుత్వం మార్పులు చేయగా.. మంగళవారం ఉత్తర్వులు జారీ చేసింది.
వైద్య విద్య సంచాలకుడి విజ్ఞప్తి మేరకు నిర్ణయం తీసుకున్నట్లు పేర్కొంది. ఇప్పటికే ఉద్యోగాల్లో కొనసాగుతున్న వారికి నిబంధన వర్తించదని పేర్కొంది. క్లినికల్‌, నాన్‌ క్లినికల్‌, సూపర్‌ స్పెషాలిటీ విభాగాల్లో అసిస్టెంట్‌ ప్రొఫెసర్ల పోస్టుల భర్తీకి (డైరెక్ట్‌ రిక్రూట్మెంట్ లేదా బదిలీ ద్వారా) కనీస అర్హతలను తాజా ఉత్తర్వుల్లో నిర్ధారించింది. అందరు స్పెషలిస్టులు, డాక్టర్లు కచ్చితంగా తెలంగాణ స్టేట్‌ మెడికల్‌ కౌన్సిల్‌ వద్ద రిజిస్టర్‌ చేసుకోవాలని స్పష్టం చేసింది.
(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)