Samsung Galaxy A15: సామ్‌సంగ్ గెలాక్సీ ఏ15 5G మోడల్ స్మార్ట్‌ఫోన్‌కు మరొక కొత్త స్టోరేజ్ వేరియంట్ భారత మార్కెట్లో విడుదల, అదిరిపోయే ఫీచర్లు ఇప్పుడు మరింత అందుబాటు ధరలోనే!
Samsung Galaxy A15 5G : దక్షిణ కొరియాకు చెందిన ఎలక్ట్రానిక్- టెక్నాలజీ సంస్థ సామ్‌సంగ్ తాజాగా Galaxy A15 5G మోడల్ స్మార్ట్‌ఫోన్‌కు మరొక కొత్త స్టోరేజ్ వేరియంట్‌ను భారత మార్కెట్లో విడుదల చేసింది. Galaxy A15 స్మార్ట్‌ఫోన్‌ ఇప్పుడు 6GB RAM +128GB స్టోరేజ్‌లో కూడా లభ్యం అవుతోంది. ఈ కొత్త వేరియంట్‌తో, Galaxy A15 5G ఇప్పుడు మొత్తం మూడు వేరియంట్‌లలో అందుబాటులో ఉంటుంది. అలాగే, ఫోన్ బ్లూ-బ్లాక్, బ్లూ మరియు లైట్ బ్లూ అనే మూడు కలర్ వేరియంట్‌లలో లభిస్తుంది.
గత ఏడాది డిసెంబర్‌లో ఫోన్ లాంచ్ అయినప్పటి నుండి 8GB RAM + 128GB స్టోరేజ్ వేరియంట్ ధర ధర రూ. 19,499, అలాగే 8GB RAM + 256GB స్టోరేజ్ వేరియంట్ ధర రూ. 22,499గా ఉంది. అయితే అద్భుతమైన పనితీరు కలిగిన ఈ ఫోన్‌ను వినియోగదారులకు అందుబాటు ధరలో అందించేందుకు సామ్‌సంగ్ కంపెనీ 6GB RAM +128GB వేరియంట్‌ను ప్రవేశపెట్టింది. ఇది వినియోగదారులకు రూ. 16,499/- ధరకు లభించనుంది.
మరి ఈ సరికొత్త వేరియంట్ స్మార్ట్‌ఫోన్‌లో ఇంకా ఎలాంటి ఫీచర్లు, స్పెసిఫికేషన్లు ఉన్నాయి, మొదలైన విషయాలను ఈ కింద తెలుసుకోండి.
Samsung Galaxy A15 5G స్మార్ట్‌ఫోన్‌ ఫీచర్లు, స్పెసిఫికేషన్లు
- 90Hz రిఫ్రెష్ రేట్ కలిగిన 6.5-అంగుళాల ఫుల్‌హెచ్‌డి+ సూపర్ AMOLED డిస్‌ప్లే
- 6GB RAM, 128 GB ఇంటర్నల్ స్టోరేజ్ సామర్థ్యం
- ఆక్టాకోర్ మీడియాటెక్ డైమెన్సిటీ 6100 ప్రాసెసర్
- వెనకవైపు 50MP+5MP+2MP ట్రిపుల్ కెమెరా సెటప్‌, ముందు భాగంలో 13MP సెల్ఫీ షూటర్‌
- ఆండ్రాయిడ్ 14 ఆపరేటింగ్ సిస్టమ్
- 5000mAh బ్యాటరీ సామర్థ్యం, 25W ఫాస్ట్ ఛార్జింగ్‌
- ధర: రూ. 16,499/-
Galaxy A15 5Gలోని కనెక్టివిటీ కోసం.. 5G, Wi-Fi, బ్లూటూత్, GPS, 3.5mm హెడ్‌ఫోన్ జాక్, USB టైప్-సి పోర్ట్ ఉన్నాయి. ఆన్‌బోర్డ్ సెన్సార్‌లలో యాక్సిలెరోమీటర్‌లు, గైరో సెన్సార్, జియోమాగ్నెటిక్ సెన్సార్, లైట్ సెన్సార్, వర్చువల్ ప్రాక్సిమిటీ సెన్సార్, ఫింగర్ ప్రింట్ సెన్సార్ ఉన్నాయి.
(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)