Samsung Galaxy M15 5G: నిశ్శబ్దంగా 'గెలాక్సీ M15 5G' అనే స్మార్ట్‌ఫోన్‌ను మార్కెట్‌లో విడుదల చేసిన సామ్‌సంగ్, ఇది ఆ పాత మోడల్‌కు రీబ్రాండ్ వెర్షన్ అంటున్న మార్కెట్ నిపుణులు, దీని ఫీచర్లు ఎలా ఉన్నాయో తెలుసుకోండి!
Samsung Galaxy M15 5G: దక్షిణ కొరియా టెక్ బ్రాండ్ సామ్‌సంగ్ నిశ్శబ్దంగా 'గెలాక్సీ M15 5G' అనే స్మార్ట్‌ఫోన్‌ను ప్రపంచ మార్కెట్‌లో విడుదల చేసింది. ఈ హ్యాండ్‌సెట్‌కు సంబంధించి పలు కీలకాంశాలను పరిశీలిస్తే, ఇది వాటర్-డ్రాప్-స్టైల్ డిస్‌ప్లే డిజైన్ కలిగి ఉంది, అలాగే భద్రత కోసం సైడ్-మౌంటెడ్ ఫింగర్ ప్రింట్ సెన్సార్‌ను కలిగి ఉంది. ఈ ఫోన్ లైట్ బ్లూ, డార్క్ బ్లూ మరియు గ్రే కలర్ ఆప్షన్లలో లభిస్తుంది.
Galaxy M-సిరీస్‌లో భాగమైన ఈ పరికరం, ఆక్టా-కోర్ చిప్‌సెట్, ట్రిపుల్ రియర్ కెమెరా సెటప్‌తో వస్తుంది, ఇది ఆకట్టుకునే 50MP ప్రైమరీ సెన్సార్‌ను కలిగి ఉంది. అలాగే ఈ ఫోన్‌లో శక్తివంతమైన 6,000mAh బ్యాటరీని ఇచ్చారు, ఇది ఫుల్ ఛార్జ్‌పై గరిష్టంగా 21 గంటల వీడియో ప్లేబ్యాక్ సమయాన్ని, అలాగే 128 గంటల వరకు ఆడియో ప్లేబ్యాక్ సమయాన్ని అందిస్తుంది.
అయితే, ఈ ఫీచర్లను పరిశీలిస్తే ఈ Galaxy M15 5G స్మార్ట్‌ఫోన్‌ అనేది గతంలో కంపెనీ విడుదల చేసిన Galaxy A15 స్మార్ట్‌ఫోన్‌ మోడల్‌కు రీబ్రాండ్ వెర్షన్ లాగా అనిపిస్తుంది. మరి ఈ స్మార్ట్‌ఫోన్‌లో అదనంగా ఎలాంటి ఫీచర్లు, స్పెసిఫికేషన్లు ఉన్నాయి, ధర ఎంత మొదలైన విషయాలను ఈ కింద తెలుసుకోండి.
Samsung Galaxy M15 5G స్మార్ట్‌ఫోన్‌ ఫీచర్లు, స్పెసిఫికేషన్లు
- 90Hz రిఫ్రెష్ రేట్ కలిగిన 6.5-అంగుళాల ఫుల్‌హెచ్‌డి+ సూపర్ AMOLED డిస్‌ప్లే
- 4GB RAM, 128 GB ఇంటర్నల్ స్టోరేజ్ సామర్థ్యం
- ఆక్టాకోర్ మీడియాటెక్ డైమెన్సిటీ 6100 ప్రాసెసర్
- వెనకవైపు 50MP+5MP+2MP ట్రిపుల్ కెమెరా సెటప్‌, ముందు భాగంలో 13MP సెల్ఫీ షూటర్‌
- ఆండ్రాయిడ్ 14 ఆపరేటింగ్ సిస్టమ్
- 5000mAh బ్యాటరీ సామర్థ్యం, 25W ఫాస్ట్ ఛార్జింగ్‌
కనెక్టివిటీ కోసం ఈ స్మార్ట్‌ఫోన్‌లో 5G, 4G VoLTE, బ్లూటూత్ v5.3, GPS మరియు USB టైప్-సి పోర్ట్ ఉన్నాయి.
అయితే, ఈ Samsung Galaxy M15 5Gధరను, దీని లభ్యత వివరాలను కంపెనీ ఇంకా వెల్లడించలేదు. కొన్ని పరిమిత మార్కెట్లలోనే ఈ స్మార్ట్‌ఫోన్‌ను విక్రయించే అవకాశం ఉన్నట్లు విశ్లేషకులు భావిస్తున్నారు.
(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)