US Government Shuts Down: అమెరికా ప్రభుత్వం షట్‌డౌన్‌ అంటే ఏమిటి? ఆరేళ్ల తర్వాత షట్‌డౌన్‌లోకి ట్రంప్ సర్కారు, భారత వాణిజ్యంపై దీని ప్రభావం ఎంత ఉంటుంది?

డొనాల్డ్‌ ట్రంప్‌ సారథ్యంలో అమెరికా ప్రభుత్వం ఆరేళ్ల తర్వాత షట్‌డౌన్‌లోకి వెళ్లింది. అమెరికా సెనేట్‌లో రిపబ్లికన్ పార్టీ ప్ర‌వేశపెట్టిన ఫెడరల్ నిధుల బిల్లుకు అవసరమైన ఆమోదం దక్కలేదు. అమెరికా కాలమానం ప్రకారం మంగళవారం రాత్రి 11.59 నిమిషాల వరకూ ఆ బిల్లు క్లియరెన్స్ కోసం వేచి చూడడం జరిగింది. కానీ డెమోక్రాట్లు తమ వద్ద ఉన్న ఆరోగ్య సబ్సిడీల, మెడిక్ ఎయిడ్ కోతల సమస్యలపై ఆందోళన వ్యక్తం చేసిన కారణంగా బిల్లుకు అనుకూలంగా ఓటు వేయలేదు. ఫలితంగా బిల్లుకు సరిపడే 60 ఓట్లు లేకపోవడం వల్ల బిల్లు సేనేట్‌లో పాస్ కాలేకపోయింది.

సెనేట్‌లో రిపబ్లికన్ పార్టీకి 54 సీట్లు మాత్రమే ఉన్నాయి. ఫండింగ్ బిల్లుకు పాస్ కావాలంటే కనీసం 60 ఓట్లు అవసరం. ఈ నేపథ్యంతో రిపబ్లికన్ పార్టీ తమ ప్రణాళికను నెగ్గించుకోలేక, డెమోక్రాట్లు 55 ఓట్లు అనుకూలంగా, 45 ఓట్లు వ్యతిరేకంగా పోలింగ్ చేయడం వల్ల బిల్లు విఫలమైంది. ముఖ్యంగా డెమోక్రాట్లు ఆరోగ్య సబ్సిడీలపై, మెడిక్ ఎయిడ్ కోతలపై సుదీర్ఘ చర్చ అవసరమని, వ‌చ్చే ఏడాది నుంచి ప్రీమియంలు పెరుగుతున్న అంశంపై ఆందోళన వ్యక్తం చేశారు.

రష్యా సైన్యంలో ఎట్టి పరిస్థితుల్లోనూ చేరవద్దు, మాస్కోలో చిక్కుకున్న భారత పౌరులకు హెచ్చరికలు జారీ చేసిన కేంద్ర ప్రభుత్వం

ఫలితంగా, ఈ నిర్ణయం తర్వాత అమెరికా ప్రభుత్వం షట్‌డౌన్ ప్ర‌క‌టించింది. గత ఏడు సంవత్సరాల్లో ఇదే మొట్టమొదటి సారి ప్రభుత్వం షట్‌డౌన్‌కు గురైంది. షట్‌డౌన్ వల్ల వేల సంఖ్యలో ప్రభుత్వ ఉద్యోగులు తాత్కాలికంగా జీతం లేకుండా సెలవులు తీసుకోవాల్సి వస్తుంది. అలాగే అనేక ప్రభుత్వ పథకాలు, సర్వీసులు నిలిచిపోతాయి.ఏదేమైనా రిపబ్లికన్ పార్టీ సేనేట్‌లో కంట్రోల్ ఉన్నప్పటికీ, బిల్లుకు పాస్ చేయించడంలో విఫలమై షట్‌డౌన్ పరిస్థితి ఏర్పడింది. దీర్ఘకాలం షట్‌డౌన్ కొనసాగితే, అమెరికా ఆర్థిక వ్యవస్థపై మాత్రమే కాక, ప్రపంచ మార్కెట్లపై, అలాగే భారతీయ వాణిజ్య, పెట్టుబడి, వీసా మరియు ఇమ్మిగ్రేషన్ ప్రక్రియలపై గణనీయమైన ప్రభావం పడే అవకాశం ఉంది.

అమెరికా షట్‌డౌన్ అంటే ఏమిటి: ముందుగా షట్‌డౌన్ అంటే ఏమిటో అర్థం చేసుకోవాలి. అమెరికా ప్రభుత్వం షట్‌డౌన్ అనేది ఫెడరల్ ప్రభుత్వానికి తాత్కాలికంగా నిధులు అందకపోవడాన్ని సూచిస్తుంది. ప్రతి ఆర్థిక సంవత్సరం ప్రారంభానికి ముందే కాంగ్రెస్ ఆ మద్దతు అవసరమైన బడ్జెట్ బిల్లులను ఆమోదించాలి. అయితే రాజకీయ విభేదాల వల్ల బిల్లులు ఆమోదం పొందకపోతే అత్యవసరం కాని ప్రభుత్వ కార్యకలాపాలు నిలిచిపోతాయి. జాతీయ పార్కులు, మ్యూజియంలు, కొన్ని పరిశోధన, గ్రాంట్లు, నియంత్రణల పనులు నిలిచిపోతాయి. అత్యవసర సేవలు మాత్రమే కొనసాగుతాయి, ఉదాహరణకు సైనిక కార్యకలాపాలు, విమాన రాకపోకల నియంత్రణ, సోషల్ సెక్యూరిటీ వంటివి. ఉద్యోగుల విషయంలో, అత్యవసరం కాని విభాగాల్లో పని చేసే లక్షలాది మంది జీతం లేకుండా సెలవులోకి వెళ్తారు. అత్యవసర ఉద్యోగులు జీతం లేకుండా పనిచేయాల్సి వస్తారు. అయితే షట్‌డౌన్ తర్వాత జీతాలు చెల్లించబడతాయి. షట్‌డౌన్ అంటే రాజకీయ సంక్షోభం మాత్రమే కాకుండా ఆర్థిక అనిశ్చితిని కూడా కలిగిస్తుంది.

భారతీయ వాణిజ్యంపై అమెరికా షట్‌డౌన్ ప్రభావం:

భారత వాణిజ్యంపై ప్రభావం ప్రధానంగా షట్‌డౌన్ గడువు మీద ఆధారపడి ఉంటుంది. కొన్ని రోజులు ఉంటే పెద్ద ప్రభావం ఉండకపోవచ్చు, కానీ దానితో వచ్చే వార్తలు ప్రపంచ మార్కెట్లలో, ముఖ్యంగా స్టాక్ మార్కెట్లు, డాలర్ విలువలో అస్థిరతను సృష్టించవచ్చు. ఈ అస్థిరత భారతీయ స్టాక్ మార్కెట్లపై కూడా ప్రతిబింబిస్తుంది. షట్‌డౌన్ కారణంగా కీలకమైన అమెరికా ఆర్థిక డేటా విడుదల ఆలస్యం అవ్వడం వల్ల.. పెట్టుబడిదారులు, సెంట్రల్ బ్యాంకులు నిర్ణయాలు తీసుకోవడంలో విఘాతం ఏర్పడవచ్చు.

అదేవిధంగా, వీసా, ఇమ్మిగ్రేషన్ సేవల్లో ఆలస్యం ఏర్పడుతుంది. భారతీయ వృత్తి నిపుణులు, వ్యాపారవేత్తలు అమెరికా వీసా కోసం ఎదురుచూస్తే లేదా కంపెనీలు ఆ దేశంలో అవసరమైన నియంత్రణ అనుమతులు, లైసెన్సులు పొందాలనుకుంటే, షట్‌డౌన్ కారణంగా ఆ ప్రక్రియలు నెమ్మదిగా జరుగుతాయి. షట్‌డౌన్ చిన్న వ్యవధిలో ఉంటే ప్రభావం పరిమితమే, కానీ దీర్ఘకాలికంగా కొనసాగితే భారతీయ వాణిజ్యం, పెట్టుబడులు, స్టాక్ మార్కెట్లు, వీసా మరియు వ్యాపార కార్యకలాపాలపై గణనీయమైన ప్రతికూల ప్రభావం పడే అవకాశం ఉంది.

(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)