Brazil President on RRR: 'ఆర్ఆర్ఆర్' చిత్రం నాకు బాగా నచ్చింది.. బ్రెజిల్ దేశాధ్యక్షుడు లులా డసిల్వా.. చిత్ర బృందానికి అభినందనలు.. రాజమౌళి రియాక్షన్ ఏంటంటే?
భారత్ లో నిర్వహించిన జీ20 శిఖరాగ్ర సమావేశాల్లో ఆసక్తికర ఘటన జరిగింది. ఈ సదస్సుకు బ్రెజిల్ అధ్యక్షుడు లూయిస్ ఇనాసియో లులా డసిల్వా కూడా విచ్చేసిన విషయం తెలిసిందే.
Newyork, Sep 11: భారత్ (India) లో నిర్వహించిన జీ20 (G-20) శిఖరాగ్ర సమావేశాల్లో ఆసక్తికర ఘటన జరిగింది. ఈ సదస్సుకు బ్రెజిల్ (Brazil) అధ్యక్షుడు లూయిస్ ఇనాసియో లులా డసిల్వా (Lula Da Silva) కూడా విచ్చేసిన విషయం తెలిసిందే. ఢిల్లీ వచ్చిన ఆయన ఓ కార్యక్రమంలో పాల్గొన్నారు. ఈ సందర్భంగా మాట్లాడుతూ, ఆర్ఆర్ఆర్ చిత్రం తనకు ఎంతగానో నచ్చిందని వెల్లడించారు. భారతీయ చిత్రాల్లో ఆర్ఆర్ఆర్ నచ్చినంతగా మరే చిత్రం నచ్చలేదని తెలిపారు. సినిమాను అద్భుతంగా తెరకెక్కించారంటూ చిత్ర బృందాన్ని అభినందించారు. భారత్ పై బ్రిటీష్ ఆధిపత్యాన్ని తెలియజేస్తూ లోతైన విమర్శ చేయడాన్ని ఈ సినిమాలో అర్థవంతంగా చూపించారని కితాబిచ్చారు. "ఆర్ఆర్ఆర్ దర్శకుడికి, నటీనటులకు అభినందనలు తెలియజేస్తున్నాను" అని వెల్లడించారు.
కొత్త ఉత్సాహం
లూయిస్ వ్యాఖ్యలపై ఆర్ఆర్ఆర్ దర్శకుడు రాజమౌళి స్పందించారు. ఆయనకు కృతఙ్ఞతలు తెలిపారు. బ్రెజిల్ అధ్యక్షుడి మాటలు.. తమ టీమ్ కు కొత్త ఉత్సాహాన్ని ఇచ్చిందన్నారు.