Taka Takkara Full Video Song: క‌ల్కి నుంచి ఫుల్ వీడియో సాంగ్ వ‌చ్చేసింది! కాంప్లెక్స్ అందాల్ని అద్భుతంగా చూపించిన నాగ్ అశ్విన్

Hyderabad, June 30: పాన్ఇండియా స్టార్ ప్రభాస్ (Parbhas) న‌టించిన ‘కల్కి 2898 AD (Kalki 2898 AD) బాక్సాఫీస్ వ‌ద్ద దూసుకుపోతున్న విష‌యం తెలిసిందే. టాలీవుడ్‌కు కూడా చాలా రోజుల‌కు ఒక మంచి హిట్ వ‌చ్చింది. జున్ 27న ప్రేక్షకుల ముందుకు వచ్చిన ఈ సినిమా బాక్సాఫీస్‌ వద్ద భారీ విజయాన్ని అందుకుంది. అయితే ఈ సినిమా నుంచి మేక‌ర్స్ టక టక్కర(Ta Takkara) అని కాంప్లెక్స్‌లో సాగే పాటను రిలీజ్ చేశారు మేకర్స్. కాంప్లెక్స్‌కు వెళ్లిన భైరవ (ప్రభాస్‌), రోక్సీ (దిశా పటానీ) అక్క‌డ‌ చూసిన వింతలేంటి? ఎలాంటి అనుభూతిని పొందారో ఈ సాంగ్‌లో (Kalki Song) చూపించారు. ఇక ఈ పాట‌ను మీరు చూసేయండి.

మ‌రోవైపు బిగ్ బీ, దీపికాపదుకొనే, కమల్‌ హాసన్‌ లాంటి స్టార్‌ యాక్టర్లు సినిమాలో భాగం కావడంతో బజ్‌ రోజురోజుకీ పెరిగిపోతుంది. సినిమాకు వస్తున్న స్పందనను చూసి డిస్ట్రిబ్యూటర్లు నార్తిండియాలోని పలు ప్రాంతాల్లో మరిన్ని స్క్రీన్స్‌ను యాడ్‌ చేశారు. ఈ రెస్సాన్స్ ఇలాగే కొనసాగితే ఇతర రాష్ట్రాల్లో మరిన్ని థియేటర్లు కూడా చేరిపోవచ్చిన ట్రేడ్‌ పండితులు అంచనా వేస్తున్నారు.

వైజయంతీ మూవీస్‌ అత్యంత భారీ బడ్జెట్‌తో తెరకెక్కించిన ఈ మూవీ రానున్న రోజుల్లో గ్లోబల్ బాక్సాఫీస్‌ను షేక్ చేయడం పక్కా అని మూవీ లవర్స్‌ అప్పుడే అంచనాలు వేసేసుకుంటున్నారు. ఈ చిత్రంలో బాలీవుడ్ భామలు దీపికా పదుకొనే, దిశా పటానీ ఫీ మేల్ లీడ్ రోల్స్‌లో నటించగా.. లెజెండరీ యాక్టర్లు అమితాబ్‌ బచ్చన్‌, కమల్‌ హాసన్‌, రాజేంద్రప్రసాద్‌, పశుపతి ఇతర కీలక పాత్రలు పోషించారు. బెంగాలీ నటుడు శాశ్వత ఛటర్జీ విలన్‌గా నటించాడు.