Chiru Movie Shooting Cancelled: కరోనా ఎఫెక్ట్, చిరంజీవి సినిమా షూటింగ్‌లన్నీ వాయిదా, కరోనాపై అప్రమత్తంగా ఉండాలని మెగాస్టార్ పిలుపు
కరోనా వైరస్ విపరీతమైన ఆందోళనలను (Coronavirus outbreak) కలిగిస్తున్న నేపథ్యంలో మెగాస్టార్ చిరంజీవి (Megastar chiranjeevi) కీలక నిర్ణయం తీసుకున్నారు. తన సినిమా షూటింగ్ కార్యక్రమాలన్నింటినీ వాయిదా వేసుకుంటున్నట్లు ప్రకటించారు. కరోనా వైరస్ (COVID-19) మీద అందరూ అప్రమత్తంగా ఉండాలని పిలుపునిచ్చారు. ఈ సంధర్భంగా తెలుగు రాష్ట్రాలు సీఎంలు తీసుకుంటున్న నిర్ణయాలను ఆయన అభినందించారు.
Hyderabad, Mar 15: కరోనా వైరస్ విపరీతమైన ఆందోళనలను (Coronavirus outbreak) కలిగిస్తున్న నేపథ్యంలో మెగాస్టార్ చిరంజీవి (Megastar chiranjeevi) కీలక నిర్ణయం తీసుకున్నారు. తన సినిమా షూటింగ్ కార్యక్రమాలన్నింటినీ వాయిదా వేసుకుంటున్నట్లు ప్రకటించారు. కరోనా వైరస్ (COVID-19) మీద అందరూ అప్రమత్తంగా ఉండాలని పిలుపునిచ్చారు. ఈ సంధర్భంగా తెలుగు రాష్ట్రాలు సీఎంలు తీసుకుంటున్న నిర్ణయాలను ఆయన అభినందించారు.
లీకయిన చిరంజీవి కొత్త సినిమా లుక్, ఎర్రకండువాతో దుమ్మురేపుతోన్న మెగాస్టార్
కోవిడ్‌ వ్యాప్తి చెందకుండా కేసీఆర్‌ (CM KCR) ప్రభుత్వం తీసుకుంటున్న చర్యలకు తోడుగా ప్రజల సహకారం అవసరమని మాజీ కేంద్రమంత్రి, మెగాస్టార్ చిరంజీవి పిలుపునిచ్చారు. ఏపీ ప్రభుత్వం కూడా చర్యలు తీసుకుంటోందని, మరింత అప్రమత్తం అవసరమని పేర్కొన్నారు. తన సినిమా షూటింగ్‌లను తక్షణం వాయిదా వేసుకుంటున్నట్లు శనివారం ఓ ప్రకటనలో వెల్లడించారు.
సినిమా షూటింగ్స్‌లో పెద్ద సంఖ్యలో సాంకేతిక నిపుణులు పనిచేయాల్సి ఉంటుందని, వారి ఆరోగ్యాన్ని దృష్టిలో ఉంచుకుని 10 నుంచి 15 రోజుల పాటు షూటింగ్స్‌ వాయిదా వేస్తే బాగుంటుందని భావిస్తున్నట్లు తెలిపారు. ప్రస్తుతం చిత్రీకరణ కొనసాగుతున్న సినిమా షూటింగ్‌ను వాయిదా వేయాలని దర్శకుడు కొరటాల శివతో చెప్పగా, ఆయన అంగీకరించారని వివరించారు. కోవిడ్‌ నియంత్రణలో సినీరంగం కూడా పాలు పంచుకోవాలని విజ్ఞప్తి చేశారు.
కోవిడ్‌ నియంత్రణ బాధ్యత ప్రభుత్వాలకే వదిలేయకుండా అందరూ భాగస్వామ్యులు కావాలని కోరారు. అందరిలో చైతన్యం కలిగించాలని ప్రతి ఒక్కరినీ కోరుతున్నానని పేర్కొన్నారు. కోవిడ్‌ నియంత్రణకు కేంద్ర, రాష్ట్ర ప్రభుత్వాలు ద్విముఖ వ్యూహం అనుసరిస్తున్నాయని కొనియాడారు.
కరోనా సోకిన వారికి తగిన చికిత్స అందించడం, వైరస్ వ్యాప్తి కాకుండా జనాలు గుమికూడకుండా క్రీడల్ని వాయిదా వేయడం, మాల్స్, సినిమా హాల్స్‌ మూసివేయడం, స్కూల్స్, కళాశాలలకు సెలవులు ప్రకటించడం తదితర చర్యలు తీసుకోవడం సంతోషకరమన్నారు.
(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)