RGV On Avatar-2: అవతార్-2 సినిమా కాదు.... ఒక జీవితకాలపు అనుభూతి: వర్మ
ప్రముఖ దర్శకుడు రామ్ గోపాల్ వర్మ ఈ చిత్రాన్ని చూసి తన అభిప్రాయాలను ట్విట్టర్ వేదికగా పంచుకున్నారు.
Hyderabad, Dec 17: హాలీవుడ్ దర్శకదిగ్గజం జేమ్స్ కామెరాన్ (James Cameron) డైరెక్షన్ లో అవతార్ కు (Avatar) సీక్వెల్ గా రూపుదిద్దుకున్న అవతార్: ద వే ఆఫ్ వాటర్ చిత్రం నిన్న ప్రేక్షకుల ముందుకు వచ్చి అశేష జనాదరణ పొందింది. ప్రముఖ దర్శకుడు రామ్ గోపాల్ వర్మ (Ram Gopal Varma) ఈ చిత్రాన్ని చూసి తన అభిప్రాయాలను ట్విట్టర్ వేదికగా పంచుకున్నారు.
"ఇప్పుడే అవతార్-2 (Avatar-2)లో స్నానం చేశాను. దీన్ని ఒక సినిమా అనడం నేరం... ఎందుకంటే ఇది అంతకుమించి ఎక్కువ... ఇదొక జీవితకాలపు అనుభూతి. కళ్లు చెదిరే దృశ్యాలు, మతిపోయే యాక్షన్ సన్నివేశాలు చూస్తుంటే... చాలాసార్లు ఓ థీమ్ పార్క్ లో ఉన్నామా అనేంతగా సమ్మోహనంలో ముంచెత్తింది" అని వివరించారు.