Tollywood Actors War: టాలీవుడ్ లో యువ నటీనటుల మధ్య వార్.. అభినవ్ గోమటం తనను ఐటెం అన్నాడని కల్పిక గణేశ్ ఆరోపణ.. క్షమాపణ చెప్పాలని డిమాండ్.. కల్పిక తనను కావాలనే టార్గెట్ చేసిందన్న అభినవ్
కల్పిక గణేశ్ టాలీవుడ్ యువ కమెడియన్ అభినవ్ గోమటంపై ఆగ్రహం వ్యక్తం చేస్తోంది. అభినవ్ గోమటం తనను ఐటెం అంటూ అవమానకరంగా వ్యాఖ్యానించాడని కల్పిక మండిపడుతోంది.
Hyderabad, October 28: 'సీతమ్మ వాకిట్లో సిరిమల్లె చెట్టు' చిత్రంలో సమంతకు (Samantha) అక్కగా (Elder Sister) నటించిన కల్పిక గణేశ్ (Kalpika Ganesh) టాలీవుడ్ (Tollywood) యువ కమెడియన్ అభినవ్ గోమటం (Abhinav Gomatam)పై ఆగ్రహం వ్యక్తం చేస్తోంది. ఇటీవల కల్పిక గణేశ్ ఓ కార్యక్రమంలో ఉత్తమ సహాయనటి అవార్డు అందుకుంది.
అయితే, అభినవ్ గోమటం తనను ఐటెం అంటూ అవమానకరంగా వ్యాఖ్యానించాడని కల్పిక మండిపడుతోంది. అంతేకాదు, అభినవ్ తన వ్యాఖ్యలను వెనక్కి తీసుకోవాలని, అలాగే తనకు క్షమాపణలు చెప్పాలని డిమాండ్ చేసింది.
ఈ క్రమంలో ఆమె తెలంగాణ ప్రభుత్వానికి ఫిర్యాదు చేసింది. సోషల్ మీడియాలో ఎమ్మెల్సీ కల్వకుంట్ల కవితను ట్యాగ్ చేస్తూ, అభినవ్ పై చర్యలు తీసుకోవాలని కోరింది. అటు, అభినవ్ గోమటం మాత్రం సారీ చెప్పేందుకు ససేమిరా అంటున్నాడు. కల్పిక ఉద్దేశపూర్వకంగానే తనను టార్గెట్ చేసిందని ఆరోపిస్తున్నాడు.