Telangana Express Turns 50: తెలంగాణ ఎక్స్‌ప్రెస్ 50 ఏళ్ల ప్రస్థానం.. అప్పటి ఆంధ్రప్రదేశ్ ఎక్స్‌ప్రెస్ నుంచి ఇప్పటి వరకు చాలామందికి తెలియని నిజాలు..

Telangana Express Turns 50: రాష్ట్ర రాజధాని హైదరాబాద్‌ను దేశ రాజధాని న్యూఢిల్లీతో అనుసంధానిస్తూ దశాబ్దాలుగా సేవలు అందిస్తున్న 'తెలంగాణ సూపర్‌ఫాస్ట్ ఎక్స్‌ప్రెస్' (రైలు సంఖ్య: 12723/12724) శనివారం (అక్టోబర్ 3)తో విజయవంతంగా 50 ఏళ్లు (అర్ధ శతాబ్దం) పూర్తి చేసుకుంది. 1976 అక్టోబర్ 3న ప్రారంభమైన ఈ రైలు ఐదు దశాబ్దాలుగా వేలాది మంది ప్రయాణికులకు అత్యంత ప్రాధాన్య రవాణా మార్గంగా నిలిచింది.

ఆంధ్రప్రదేశ్ ఎక్స్‌ప్రెస్’గా శ్రీకారం:

1976లో అప్పటి ఉమ్మడి ఆంధ్రప్రదేశ్ ముఖ్యమంత్రి జలగం వెంగళ్‌రావు, కేంద్ర రైల్వే మంత్రి మధు దండవతే చేతుల మీదుగా సికింద్రాబాద్‌లో ఈ రైలు ప్రారంభమైంది. మొదట 'ఆంధ్రప్రదేశ్ ఎక్స్‌‌ప్రెస్' పేరుతో 14 బోగీలతో వారానికి రెండుసార్లు మాత్రమే నడిచేది. కాలక్రమేణా ప్రయాణికుల ఆదరణ పెరగడంతో 1991 నుంచి ప్రతిరోజూ నడపడం ప్రారంభించారు. ప్రస్తుతం ఇది 24 కోచ్‌లతో సేవలు అందిస్తోంది. తెలంగాణ రాష్ట్ర ఆవిర్భావం తర్వాత, 2015 నవంబర్ 15న దీని పేరును అధికారికంగా 'తెలంగాణ ఎక్స్‌‌ప్రెస్'గా మార్చారు.  విజయ్ మాల్యా రుణాల ఎగవేత కేసులో బిగ్ ట్విస్ట్.. రూ.10,270 కోట్లు రికవరీ చేసినా ఇంకా రూ.8,751 కోట్లు బకాయి ఉందన్న ఎస్‌బీఐ..

1976: 1976 అక్టోబర్ 3: సేవలు ప్రారంభం

14 బోగీలతో, స్టీమ్ (ఆవిరి) ఇంజిన్‌తో వారానికి రెండుసార్లు 'ఆంధ్రప్రదేశ్ ఎక్స్‌ప్రెస్' పేరుతో ప్రయాణం మొదలైంది.

1991: 1991: రోజువారీ సేవగా మార్పు

ప్రయాణికుల రద్దీకి అనుగుణంగా ఈ రైలును ప్రతిరోజూ నడిపేలా సేవలను విస్తరించారు.

2015: 2015 నవంబర్ 15: తెలంగాణ ఎక్స్‌ప్రెస్‌గా నామకరణం

తెలంగాణ రాష్ట్ర ఏర్పాటు అనంతరం ఈ రైలు పేరును 'తెలంగాణ ఎక్స్‌ప్రెస్'గా అధికారికంగా మార్చారు.

2019: 2019: ఎల్‌హెచ్‌బీ (LHB) కోచ్‌లకు ఆధునీకరణ

పాత ఐసీఎఫ్ (ICF) కోచ్‌ల స్థానంలో ప్రయాణికుల భద్రత, సౌకర్యం కోసం ఆధునిక ఎల్‌హెచ్‌బీ (LHB) కోచ్‌లను ప్రవేశపెట్టారు.

2026: 2026 అక్టోబర్ 3: 50 ఏళ్ల వేడుకలు (అర్ధ శతాబ్దం)

ఐదు దశాబ్దాల మైలురాయిని చేరుకోవడంతో రైల్వే అభిమానులు, దక్షిణ మధ్య రైల్వే కేక్ కట్ చేసి వేడుకలు నిర్వహించారు.

రైలు ప్రత్యేకతలు & విశేషాలు:

'బ్లూ బుల్లెట్' గుర్తింపు: ప్రారంభంలో ఆక్స్‌ఫర్డ్ బ్లూ రంగు బోగీలకు బంగారు రంగు పట్టీ ఉండేది. నాటి వేగం, ఆకట్టుకునే రూపం వల్ల దీనికి 'బ్లూ బుల్లెట్' అనే పేరు వచ్చింది.

సాంకేతిక ప్రయాణం:ఆవిరి ఇంజిన్‌తో ప్రారంభమై, ఆపై డీజిల్, ప్రస్తుతం పూర్తిస్థాయి ఎలక్ట్రిక్ లోకోమోటివ్‌తో ఈ రైలు నడుస్తోంది.

రూట్ & దూరం:హైదరాబాద్ నుంచి న్యూఢిల్లీ వరకు 1,677 కిలోమీటర్ల దూరాన్ని మహారాష్ట్ర, మధ్యప్రదేశ్, రాజస్థాన్, ఉత్తరప్రదేశ్, హర్యానాల మీదుగా సుమారు 26 గంటల్లో చేరుకుంటుంది.

ఐదు దశాబ్దాల పండుగ ముగిసిన సందర్భంగా, ఉత్తర తెలంగాణ ప్రయాణికుల సౌకర్యార్థం పెద్దపల్లి జంక్షన్‌లో ఈ రైలుకు హాల్ట్ (స్టాప్) కల్పించాలని రైల్వే ఫోరం ప్రతినిధులు డిమాండ్ చేస్తున్నారు.