Dussehra Holidays in Telugu States: ఏపీలో సెప్టెంబర్ 22 నుండి అక్టోబర్ 2 వరకు దసరా సెలవులు, తెలంగాణలో సెప్టెంబర్ 21 నుండి అక్టోబర్ 3 వరకు సెలవులు

ఆంధ్రప్రదేశ్ రాష్ట్రంలో 2025 దసరా సెలవుల షెడ్యూల్‌లో మార్పులు చేస్తూ ఏపీ ప్రభుత్వం నిర్ణయం తీసుకుంది. రాష్ట్ర విద్యాశాఖ మంత్రి నారా లోకేష్ సెప్టెంబర్ 19, శుక్రవారం నాడు ఈ మార్పులను అధికారికంగా ప్రకటించారు. అంతకు ముందు రాష్ట్రంలోని పాఠశాలలకు సెప్టెంబర్ 24 నుండి అక్టోబర్ 2 వరకు దసరా సెలవులు ఇచ్చారు. అయితే తాజా ప్రకటన ప్రకారం సెలవులను రెండు రోజుల ముందుకు సెప్టెంబర్ 22 నుండి ప్రారంభించాలని ప్రభుత్వం నిర్ణయించింది. దీనివల్ల మొత్తం సెలవుల వ్యవధి 9 రోజుల నుండి 11 రోజులకు పెరిగింది.

టీడీపీ గ్రాడ్యుయేట్ ఎమ్మెల్సీల ద్వారా ఉపాధ్యాయులు చేసిన అభ్యర్థనలపై ప్రభుత్వం స్పందించింది సెలవుల పెంపును ప్రకటించింది. ఉపాధ్యాయులు దసరా సెలవులను ప్రారంభం తేదీని మార్చాలని కోరారు. రాష్ట్ర విద్యాశాఖ అధికారులతో చేసిన సమగ్ర చర్చల తర్వాత, ఆంధ్రప్రదేశ్ ప్రభుత్వం ఉపాధ్యాయుల అభ్యర్థనలను ఆమోదించింది. మంత్రి నారా లోకేష్ ఈ విషయాన్ని తన అధికారిక ట్వీట్‌లో వెల్లడించారు.

హైదరాబాద్‌కు వాతావరణ శాఖ మరో వార్నింగ్, మళ్లీ దంచికొట్టనున్న భారీ వర్షాలు, తెలంగాణలో మూడు రోజుల పాటు మోస్తరు నుంచి భారీ వర్షాలు అలర్ట్

పాఠశాలలకు దసరా సెలవులు ఈ నెల 22 నుండి ఇవ్వాలని ఉపాధ్యాయులు కోరారు. వారి కోరికను పరిగణనలోకి తీసుకుని, విద్యా శాఖ అధికారులతో చర్చించిన తరువాత ఈ షెడ్యూల్‌ను అమలు చేస్తున్నాం. అదనంగా, ముందుగా నిర్ణయించబడిన 9 రోజుల సెలవులను రెండు రోజులు పెంచి, మొత్తం 11 రోజుల సెలవులు ఏర్పాటు చేశామని చెప్పారు. ఈ సర్దుబాటు ద్వారా విద్యార్థులు, ఉపాధ్యాయులు దసరా పండుగ వేడుకలను పూర్తి సౌకర్యంతో జరుపుకోవచ్చు. సెలవులు అక్టోబర్ 3న ముగుస్తాయి, తదుపరి రోజున పాఠశాలలు తిరిగి ప్రారంభమవుతాయి.

తెలంగాణ రాష్ట్రంలో కూడా దసరా సెలవులు ప్రకటించింది ప్రభుత్వం. అక్కడ సెప్టెంబర్ 21 నుండి అక్టోబర్ 3 వరకు పాఠశాలలు మూసివేయనున్నారు. మొత్తం 13 రోజుల పాటు సెలవులు ఇచ్చారు. అక్టోబర్ 4 నుండి స్కూల్‌లు తిరిగి ప్రారంభమవుతాయి.