LPG Price Hike: మళ్లీ సిలిండర్ ధరల పెంపు, కమర్షియల్‌ గ్యాస్ సిలిండర్ మీద రూ.95 పెంపు, రూ.1625కు చేరిన వాణిజ్య అవసరాల కోసం వినియోగించే సిలిండర్ ధర, ఫిబ్రవరిలో ఏకంగా 16 రోజులపాటు పెట్రోల్‌, డీజిల్ ధరల పెంపు
గత ఒక్క నెలలోనే నాలుగోసారి కంపెనీలు దేశీయ గ్యాస్ సిలిండర్ల ధరలను పెంచడం ద్వారా సామాన్య ప్రజల నడ్డి విరిచాయి. ఎల్‌పిజి ధర జైపూర్‌లో రూ .798 కాగా నేటి నుంచి రూ .823 కు పెరిగింది. ఒక నెలలోనే కంపెనీలు ధరలను 125 రూపాయలు పెంచాయి.
New Delhi, Mar 1: కేంద్ర ప్రభుత్వం, చమురు గ్యాస్ పెట్రోలియం కంపెనీలు ద్రవ్యోల్బణం సాకుతో ( Inflation hit the public) మళ్లీ దేశ ప్రజలపై ధరల భారాన్ని (LPG Price Hike) మోపాయి. గత ఒక్క నెలలోనే నాలుగోసారి కంపెనీలు దేశీయ గ్యాస్ సిలిండర్ల ధరలను పెంచడం ద్వారా సామాన్య ప్రజల నడ్డి విరిచాయి. ఎల్‌పిజి ధర జైపూర్‌లో రూ .798 కాగా నేటి నుంచి రూ .823 కు పెరిగింది. ఒక నెలలోనే కంపెనీలు ధరలను 125 రూపాయలు పెంచాయి.
వీటితో పాటు కంపెనీల వాణిజ్య గ్యాస్ సిలిండర్ల (commercial gas cylinders) ధరలు కూడా పెరిగాయి. 19 కిలోల గ్యాస్ సిలిండర్ల ధరలను కంపెనీ రూ .95 (Increase in commercial by Rs 95) పెంచింది. ఈ పెరుగుదలతో, ఇప్పుడు వాణిజ్య గ్యాస్ సిలిండర్లు 1530 కు బదులుగా రూ .1625 కు లభిస్తాయి. రాజస్థాన్‌లోని ఎల్‌పిజి డిస్ట్రిబ్యూటర్ ఫెడరేషన్ ప్రధాన కార్యదర్శి కార్తికేయ గౌర్ మాట్లాడుతూ, ప్రజలు ఎప్పుడూ గ్యాస్ ట్యాంక్ (సిలిండర్) ని రిజర్వ్‌లో ఉంచుకునేవారు, కానీ ఇప్పుడు అది జరగడం లేదు. ఈ కారణంగా, కొంతకాలంగా ఏజెన్సీల అమ్మకాలు తగ్గాయని తెలిపారు.
ఒక నెలలో పెరిగిన ధరల వివరాలు
ఫిబ్రవరి 4: 25 రూపాయలు (698 నుండి 723 రూపాయలకు పెరిగింది)
ఫిబ్రవరి 15: 50 రూపాయలు (723 రూపాయల నుండి 773 రూపాయలకు పెరిగింది)
ఫిబ్రవరి 25: రూ .25 (773 నుండి 798 రూపాయలకు పెరిగింది)
మార్చి 1: రూ .25 (రూ .798 నుంచి రూ .823)
ఈ పెంచిన ధర తక్షణమే అమల్లోకి వస్తుందని పెట్రో కంపెనీలు ప్రకటించాయి. ఫిబ్రవరిలో ఏకంగా 16 రోజులపాటు పెట్రోల్‌, డీజిల్ ధరలను పెంచాయి. అదేవిధంగా గృహావసరాల కోసం వినియోగించే గ్యాస్ సిలిండర్ ధరను మూడుసార్లు సవరించాయి. దీంతో ఒక్క నెలలోనే సిలిండర్ ధర రూ.100 అధికమయ్యింది.