Fake Police Station: బీహార్ లో నకిలీ పోలీస్‌ స్టేషన్‌.. ఒకటి కాదు రెండు కాదు.. 8 నెలలుగా వసూళ్ల పర్వం

Patna, August 19: శంకర్ దాదా (Shankar Dada) సినిమాలో నకిలీ డాక్టర్ ఉన్నట్టే, బీహార్ లో నకిలీ పోలీస్ స్టేషన్ ఒకటి అందర్నీ బురిడీ కొట్టించింది. అర్థం కాలేదా? అయితే ఈ స్టోరీ చదవండి. ఓ దొంగల గ్యాంగ్‌ ఏకాంగా నకిలీ పోలీస్‌ స్టేషన్‌ (Police Station)నే ఏర్పాటు చేసింది. పోలీసుల దుస్తుల్లో ఎనిమిది నెలలుగా వసూళ్లకు పాల్పడుతోంది. ఈ సంఘటన బీహార్ (Bihar) లోని బాంగా జిల్లాలో వెలుగు చూసింది. అయితే, స్థానిక పోలీస్‌ స్టేషన్‌కు కేవలం 500 మీటర్ల దూరంలోనే ఈ నకిలీ పోలీస్‌ స్టేషన్‌ ఉండటం గమనార్హం. ఎట్టకేలకు అసలు గుట్టు రట్టయింది. అయితే, నకిలీ పోలీస్‌ స్టేషన్‌ ఏర్పాటు చేసిన ప్రధాన నిందితుడు పరారీలో ఉన్నాడు. అతడిని పట్టుకునేందుకు గాలింపు చర్యలు చేపట్టామని పోలీసులు తెలిపారు.