New Year 2025: న్యూ ఇయర్‌ పార్టీ ఇన్విటేషన్‌లో కండోమ్‌లు, పూణెలో హై స్పిరిట్స్‌ పబ్ నిర్వాకం, పోలీస్ కమిషనర్‌కు ఫిర్యాదు చేసిన కాంగ్రెస్ పార్టీ
మహారాష్ట్రలోని పుణెలో ఉన్న హై స్పిరిట్స్‌ పబ్ న్యూ ఇయర్‌ వేడుకల్లో భాగంగా అందరికీ ఆహ్వాన పత్రికలు పంపింది. అయితే నూతన సంవత్సర వేడుకల ఇన్విటేషన్‌తోపాటు కండోమ్ ప్యాకెట్, ఓఆర్ఎస్ పంపించింది. ఈ ఇన్విటేషన్ ఇప్పుడు సోషల్‌ మీడియాలో తెగ వైరల్‌ అవుతున్నది
Pune, Dec 31: మహారాష్ట్రలోని పుణెలో ఉన్న హై స్పిరిట్స్‌ పబ్ న్యూ ఇయర్‌ వేడుకల్లో భాగంగా అందరికీ ఆహ్వాన పత్రికలు పంపింది. అయితే నూతన సంవత్సర వేడుకల ఇన్విటేషన్‌తోపాటు కండోమ్ ప్యాకెట్, ఓఆర్ఎస్ పంపించింది. ఈ ఇన్విటేషన్ ఇప్పుడు సోషల్‌ మీడియాలో తెగ వైరల్‌ అవుతున్నది. దీన్ని తీవ్రంగా పరిగణించిన మహారాష్ట్ర యూత్ కాంగ్రెస్ నాయకులు స్థానిక పోలీసులకు ఫిర్యాదు చేశారు. పబ్ మేనేజ్‌మెంట్‌పై కఠిన చర్యలు తీసుకోవాలని సిటీ పోలీస్ కమిషనర్ అమితేష్ కుమార్‌కు విజ్ఞప్తి చేశారు.
పబ్, నైట్ లైఫ్‌కు తాము వ్యతిరేకం కాదని, అయితే యూత్‌ను తమ పబ్‌కు వచ్చేలా ఇలాంటి దిగజారుడు పనులు, చెత్త మార్కెటింగ్ వ్యూహాలు సరికావని మండిపడ్డారు. సదరు పబ్‌పై వెంటనే పోలీసులు చర్యలు చేపట్టాలని డిమాండ్ చేశారు. కాగా, ఈ ఘటనపై కేసు నమోదు చేసినట్లు పోలీసులు తెలిపారు. ఇన్విటేషన్ కార్డును అందుకున్న పలువురిని పిలిచి విచారించినట్లు చెప్పారు.
ఫిర్యాదు స్వీకరించిన తర్వాత, పోలీసులు ఈ విషయంపై విచారణ ప్రారంభించి, "కండోమ్‌లు పంపిణీ చేయడం నేరం కాదు" అని పేర్కొన్న యజమానుల వాంగ్మూలాలను నమోదు చేశారు. యువతలో అవగాహన కల్పించడం, భద్రతను పెంపొందించడం మరియు బాధ్యతాయుత ప్రవర్తనను ప్రోత్సహించడం ఈ వస్తువుల పంపిణీని లక్ష్యంగా పెట్టుకున్నట్లు పబ్ పేర్కొంది. ఈ విషయంపై తదుపరి విచారణ కొనసాగుతోంది
(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)