Indian 2 - Paaraa Lyric Video: గూస్ బంప్స్ తెప్పిస్తున్న ఇండియన్ 2 పారా సాంగ్, జులై 12న సరికొత్త రికార్డు క్రియేట్ చేసేందుకు రెడీ అవుతున్న మూవీ

స్టార్ హీరో క‌మ‌ల్ హాస‌న్‌ .. దర్శకుడు శంక‌ర్ కాంబినేష‌న్‌లో అగ్ర నిర్మాణ సంస్థ లైకా ప్రొడ‌క్ష‌న్స్ తో పాటు ప్రముఖ నిర్మాణ సంస్థ రెడ్ జెయింట్ బ్యానర్‌పై సుభాస్క‌ర‌న్ నిర్మిస్తోన్న భారీ బ‌డ్జెట్ చిత్రం ‘ భార‌తీయుడు 2’. ప్రపంచవ్యాప్తంగా తెలుగు, తమిళ, హిందీ భాషల్లో జులై 12న ఈ చిత్రం గ్రాండ్ లెవ‌ల్లో రిలీజ్ అవుతుంది. జూన్ 1న చెన్నైలో సినీ ప్రముఖుల సమక్షంలో ఆడియో వేడుక‌ను ఘ‌నంగా నిర్వ‌హించ‌టానికి స‌న్నాహాలు చేస్తున్నారు. తాజాగా ఈ రోజు మేక‌ర్స్ ‘భారతీయుడు 2’ మూవీ నుంచి ‘పారా’ అనే లిరికల్ సాంగ్‌ను విడుదల చేశారు. గూస్ బంప్స్ తెప్పిస్తున్న భారతీయుడు 2 శౌర సాంగ్, జులై 12న సరికొత్త రికార్డు సెట్ చేసేందుకు రెడీ అవుతున్న మూవీ

పాట‌లో చూపించిన కొన్ని విజువ‌ల్స్ చూస్తుంటే 'భార‌తీయుడు 2' అంచ‌నాల‌ను మించేలా శంక‌ర్ తెరకెక్కించార‌ని స్ప‌ష్ట‌మ‌వుతుంది. అనిరుద్ రవిచందర్ సంగీత సార‌థ్యంలో సుద్ధాల అశోక్ తేజ రాసిన ఈ పాట‌ను రితేష్ జి.రావ్‌, శ్రుతికా స‌ముద్రాల పాడారు. క‌మ‌ల్ హాస‌న్ టైటిల్ పాత్ర‌లో న‌టిస్తోన్న ఈ చిత్రంలో సిద్ధార్థ్‌, కాజ‌ల్ అగ‌ర్వాల్‌, ర‌కుల్ ప్రీత్ సింగ్, ప్రియా భ‌వానీ శంక‌ర్‌, ఎస్‌.జె.సూర్య‌, బాబీ సింహ త‌దిత‌రులు ఇత‌ర కీల‌క పాత్ర‌ల్లో న‌టిస్తున్నారు. 1996లో క‌మ‌ల్ హాస‌న్‌ - శంక‌ర్ కాంబినేష‌న్‌లో విడుద‌లై బాక్సాఫీస్ ద‌గ్గ‌ర సరికొత్త రికార్డుల‌ను క్రియేట్ చేసిన ‘భార‌తీయుడు’ చిత్రానికి సీక్వెల్‌గా ‘భార‌తీయుడు 2’ రూపొందుతోంది.

Here's Song