Rahul Gandhi Party Video: వైరల్ అవుతున్న రాహుల్ గాంధీ నైట్‌ క్లబ్‌ వీడియో, విమర్శలు ఎక్కుపెట్టిన బీజేపీ పార్టీ, వీడియోపై ఇంకా స్పందించని కాంగ్రెస్ పార్టీ
ఈ వీడియోపై బీజేపీ విమర్శలు గుప్పిస్తోంది. వైరల్ అవుతున్న వీడియో ప్రకారం.. నేపాల్‌ రాజధాని ఖాట్మాండులోని ఓ నైట్‌ క్లబ్‌లో రాహుల్ గాంధీ కనిపించడం వీడియోలో కనిపిస్తోంది.
కాంగ్రెస్ సీనియర్‌ నేత రాహుల్ గాంధీకి సంబంధించిన నైట్‌క్లబ్‌ వీడియో ఇంటర్నెట్‌లో వైరల్ అవుతోంది. ఈ వీడియోపై బీజేపీ విమర్శలు గుప్పిస్తోంది. వైరల్ అవుతున్న వీడియో ప్రకారం.. నేపాల్‌ రాజధాని ఖాట్మాండులోని ఓ నైట్‌ క్లబ్‌లో రాహుల్ గాంధీ కనిపించడం వీడియోలో కనిపిస్తోంది. బీజేపీ ఐటీ ఇన్‌చార్జి అమిత్‌ మాలవియాతో పాటు పలువురు నేతలు ఈ వీడియోను బేస్ చేసుకుని కాంగ్రెస్ నేతపై, ఆ పార్టీ విధానాలపై దుమ్మెత్తిపోస్తున్నారు.
అయితే తన జర్నలిస్ట్‌ ఫ్రెండ్‌ అయిన సుమ్నీమా ఉదాస్‌ వివాహ వేడుక కోసం నిన్న(సోమవారం) రాహుల్ గాంధీ ఖాట్మాండు వెళ్లారు. అక్కడ స్నేహితులతో కలిసి ఖాట్మాండ్‌లోని మారియట్‌ హోటల్‌లో బస చేశాడు. ఈ విషయాన్ని సుమ్నీమా తండ్రి భూమ్‌ ఉదాస్‌ ధృవీకరించారు. భూమ్‌ ఉదాస్‌.. మయన్మార్‌లో నేపాల్‌ అంబాసిడర్‌గా ఉన్నారు. ఈ వివాహ వేడుక తరుణంలోనే ఆయన నైట్‌ పార్టీకి హాజరై ఉండొచ్చని అంచనా. దుమారం రేపుతున్న వీడియోలో.. రాహుల్ గాంధీ ఓ మహిళతో క్లోజ్‌గా మరింత చర్చనీయాంశంగా మారింది. ఆమె నేపాల్‌లో చైనా దౌత్యవేత్త అయిన హౌ యాంకీ అని, గతంలో నేపాల్‌ ప్రధానిపైనా హనీ ట్రాప్‌ జరిగిన విషయాన్ని ప్రస్తావిస్తూ బీజేపీ విమర్శలు గుప్పిస్తోంది. ఈ తరుణంలో సదరు వీడియోపై మరింత స్పష్టత, కాంగ్రెస్ నుంచి వివరణ రావాల్సి ఉంది.