Helmet In Local Train: అమ్మబాబోయ్‌ హెల్మెట్‌ను ఇలా కూడా వాడొచ్చా? బైక్‌మీద వెళ్తున్నప్పుడే కాదు, ముంబై లోకల్ ట్రైన్‌లో కూడా హెల్మెట్ పెట్టుకుంటున్న వ్యక్తి

Mumbai, March 09: ద్విచక్రవాహనంపై హెల్మెట్ వాడటం తప్పనిసరి అని పోలీసులు చెప్తూనే ఉంటారు. ఒకవేళ హెల్మెట్ లేకపోతే భారీగా ఫైన్ తప్పదు. కేవలం ఫైన్ కోసమే కాదు ప్రాణరక్షణ కోసం కూడా హెల్మెట్ ఉపయోగపడుతుంది. అయితే ముంబైలో ఓ వ్యక్తి హెల్మెట్‌ ను (Helmet In Local Train) విచిత్రంగా ఉపయోగించాడు. లోకల్ ట్రైన్‌ లో ప్రయాణిస్తూ కూడా హెల్మెట్ ధరించాడు (Helmet In Local Train). ఇదేంటి అని అడిగితే...సేఫ్టీ ఫస్ట్ అంటూ సమాధానం ఇస్తున్నాడు. ఎక్కడ ఉన్నా కూడా మనకు రక్షణ ముఖ్యం. లోకల్ ట్రైన్ ప్రయాణిస్తే ప్రమాదం జరుగదా? అప్పుడు కూడా రక్షణ కావాలి కదా? అంటూ సమాధానం ఇస్తున్నాడు. ముంబై లోకల్ ట్రైన్ లో హెల్మెట్ పెట్టుకొని ప్రయాణిస్తున్న వ్యక్తికి సంబంధించిన వీడియో సోషల్ మీడియాలో వైరల్ గా మారింది.