CM Jagan in Action: ఏపీ సర్కారు గుడ్ న్యూస్, వైఎస్‌ఆర్‌ ఆరోగ్య శ్రీ జాబితాలోకి మరిన్ని కొత్త చికిత్సలు, కొత్త వాటి చేరికతో 2,446 నుంచి 3,254 చేరనున్న చికిత్సలు
ఈ రోజు సీఎం జగన్ క్యాంప్‌ కార్యాలయంలో వైద్య ఆరోగ్యశాఖ సమీక్షా సమావేశం నిర్వహించారు. ఈ సమావేశంలో సీఎం జగన్ కీలక ఆదేశాలు ఇవ్వడంతో పాటు అధికారులకు పలు కీలక సూచనలు చేశారు. వైఎస్‌ఆర్‌ ఆరోగ్య శ్రీ జాబితాలోకి కొత్త చికిత్సలు చేరిక గురించి సీఎం అధికారులను అడిగి తెలుసుకున్నారు.
Amaravati, Sep 30: ఈ రోజు సీఎం జగన్ క్యాంప్‌ కార్యాలయంలో వైద్య ఆరోగ్యశాఖ సమీక్షా సమావేశం నిర్వహించారు. ఈ సమావేశంలో సీఎం జగన్ కీలక ఆదేశాలు ఇవ్వడంతో పాటు అధికారులకు పలు కీలక సూచనలు చేశారు. వైఎస్‌ఆర్‌ ఆరోగ్య శ్రీ జాబితాలోకి కొత్త చికిత్సలు చేరిక గురించి సీఎం అధికారులను అడిగి తెలుసుకున్నారు. కొన్ని సంప్రదింపులు మిగిలి ఉన్న దృష్ట్యా.. కార్యక్రమాన్ని ప్రారంభించేందుకు కొంత సమయం కావాలని అధికారులు కోరారు. దీంతో ముఖ్యమంత్రి వైఎస్‌ జగన్‌మోహన్‌రెడ్డి అందుకు అంగీకారం తెలిపినట్లు తెలుస్తోంది.
ఫలితంగా అక్టోబరు 5వ తేదీ బదులు.. అక్టోబరు 15న ఆరోగ్య శ్రీ జాబితాలోకి మరిన్ని ప్రొసీజర్ల చేరిక కార్యక్రమం ఉండనుంది. అంతేకాదు.. ఫ్యామిలీ డాక్టర్‌ పైలెట్‌ ప్రాజెక్టు కూడా ప్రారంభం కానుంది. ప్రస్తుతం వైఎస్‌ఆర్‌ ఆరోగ్యశ్రీలో 2,446 చికిత్సలు ఉన్నాయి.
కొత్త వాటి చేరికతో ఆ సంఖ్య 3,254 చేరనుంది. సమీక్ష సందర్భంగా సీఎం జగన్ అధికారులతో మాట్లాడుతూ.. ‘‘ఆరోగ్య శ్రీ, అనుబంధ సేవల కింద చేస్తున్న ఖర్చు గత ప్రభుత్వంతో పోలిస్తే ఏడాదికి దాదాపు మూడు రెట్లు పెరిగింది. పెరిగిన ప్రొసీజర్లతో ఏడాదికి ఆరోగ్య శ్రీకి సుమారుగా రూ.2,500 కోట్లు, ఆరోగ్య ఆసరా కోసం సుమారు రూ.300 కోట్లు, 108..104 వాహనాల సేవల కోసం సుమారు మరో రూ.400 కోట్లు చేస్తున్నాం. మొత్తంగా దాదాపు రూ.3,200 కోట్లు వరకూ ప్రభుత్వం ఖర్చు చేస్తోంద’’ని వివరించారు.
ప్రజల ఆరోగ్యం మీద ప్రభుత్వానికి ఉన్న చిత్తశుద్ధికి ఇది నిదర్శనం. మరో 432 కొత్త 104 వాహనాలు డిసెంబర్‌ నాటికి అందుబాటులోకి రానున్నాయి. దీంతో ఇప్పటికే సేవలందిస్తున్న 676 వాహనాలకు కొత్తవి తోడై మొత్తంగా ఆ సంఖ్య 1,108కి చేరనుంది. అలాగే ఇప్పటికే సేవలందిస్తున్న 748 108-వాహనాల నిర్వహణలో ఎలాంటి లోపాలు లేకుండా చూడాలని సీఎం జగన్ ఈ సందర్భంగా అధికారులను ఆదేశించారు. విలేజ్‌ క్లినిక్స్‌లో 12 రకాల వ్యాధి నిర్ధారణ కిట్లు, 67 రకాల మందులు అందుబాటులో ఉంచుతున్నామని ఈ సందర్భంగా అధికారులు, సీఎం జగన్‌కు వివరించారు. అయితే.. క్లినిక్‌లలో కోవిడ్‌ కిట్‌ కూడా అందుబాటులో ఉంచాలని సీఎం జగన్ సూచించారు.
ఆస్పత్రుల్లో ఉండాల్సిన స్థాయిలో సిబ్బంది ఉండాలని, దీనికోసం ప్రతినెలా కూడా ఆస్పత్రుల వారీగా ఆడిట్‌ చేయాలని సీఎం జగన్ తెలిపారు. అలాగే ఈ ఆడిట్‌ నివేదికలు ప్రతి నెలాకూడా అధికారులకు చేరాలని ఆదేశించారు. క్రమం తప్పకుండా దీన్ని పర్యవేక్షించాలన్న సీఎం జగన్.. ఎక్కడ ఖాళీ వచ్చినా జాప్యం లేకుండా మరొకరిని వెంటనే నియమించే ప్రక్రియ నిరంతరం కొనసాగాలని తెలిపారు. ప్రభుత్వ ఆస్పత్రుల్లో పూర్తిస్థాయిలో సిబ్బంది ఉండేలా చూసేందుకు, నిరంతరం ఈ ప్రక్రియను పర్యవేక్షించి చేసి తగిన చర్యలు తీసుకునేందుకు మెడికల్ రిక్రూట్‌మెంట్‌బోర్డు ఏర్పాటు ఆలోచన కూడా చేయాలని ఈ సందర్భంగా వైద్యారోగ్య శాఖకు, అధికారులకు సీఎం జగన్ సూచించారు.
పేషెంట్‌ డైట్‌ ఛార్జీల పెంపు
ప్రభుత్వ ఆస్పత్రుల్లో పేషెంట్‌ డైట్‌ ఛార్జీలను పెంచాలని సీఎం జగన్ ఆదేశించారు. ఆరోగ్య శ్రీ పేషెంట్ల తరహాలోనే.. రోజుకు రూ.100కు పెంచాలన్న ఆయన.. నిశితంగా పరిశీలన చేసి మంచి మెనూ ద్వారా డైట్‌ అందించాలన్నారు. అలాగే.. జూనియర్‌ డాక్టర్ల స్టై ఫండ్‌ పెంపుపైనా చర్యలు తీసుకోవాలని సూచించారు. కొత్త మెడికల్ కాలేజీల నిర్మాణంపైనా సమీక్ష నిర్వహించిన సీఎం జగన్.. మెడికల్ కాలేజీల నిర్మాణపనులపై మరింత ధ్యాస పెట్టాలన్నారు. ఈ సందర్భంగా.. అర్బన్‌ హెల్త్‌ క్లినిక్స్‌ల నిర్మాణం నవంబర్‌ నెలాఖరుకల్లా పూర్తవుతాయని అధికారులు సీఎం జగన్‌కు నివేదించారు. కేంద్ర ప్రభుత్వం ఇచ్చిన ఆయుష్మాన్‌ భారత్‌ అవార్డుల్లో 6 అవార్డులు రాష్ట్రానికి వచ్చాయని అధికారులు సీఎం జగన్‌కు వివరించారు. మొత్తం పది అవార్డుల్లో 6 ఏపీకే వచ్చాయని తెలిపారు. ఆరోగ్య రంగంలో ప్రభుత్వం తీసుకుంటున్న చర్యలకు దక్కిన గుర్తింపు అని పేర్కొన్నారు.
(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)