Heavy Rains In Hyderabad: హైదరాబాద్ నగర వ్యాప్తంగా ఈదురు గాలులతో భారీ వర్షం.. మణికొండ, షేక్ పేట్, ఫిలింనగర్, జూబ్లీహిల్స్‌ లో వర్షం బీభత్సం.. మరో మూడు రోజుల పాటు వానలు
హైదరాబాద్ నగర వ్యాప్తంగా నేటి ఉదయం నుంచి ఈదురు గాలులతో భారీ వర్షం కురుస్తోంది. మణికొండ, షేక్ పేట్, ఫిలింనగర్, జూబ్లీహిల్స్‌ లో వర్షం బీభత్సం సృష్టిస్తోంది. బంజారాహిల్స్, మాసబ్ ట్యాంక్, మెహదీపట్నం.. ఇటు టోలిచౌకి, అత్తాపూర్, రాజేంద్రనగర్‌లో వర్షం కురుస్తోంది.
Hyderabad, April 14: హైదరాబాద్ (Hyderabad) నగర వ్యాప్తంగా నేటి ఉదయం నుంచి ఈదురు గాలులతో భారీ వర్షం (Heavy Rains) కురుస్తోంది. బంజారాహిల్స్, జూబ్లీహిల్స్‌, ఫిల్మ్ నగర్, పంజాగుట్ట, ఖైరతాబాద్‌, లక్డీకపూల్‌, నాంపల్లి, చందానగర్‌, మియాపూర్‌, కూకట్‌పల్లి, అల్వాల్, బోయిన్ పల్లి, మణికొండ, టోలిచౌకి, అత్తాపూర్, రాజేంద్రనగర్‌, సికింద్రాబాద్‌, మాదాపూర్‌, షేక్ పేట్, ఫిలింనగర్లో వర్షం కురుస్తోంది. ఈదురు గాలుల ధాటికి పలు ప్రాంతాల్లో చెట్లు కూలిపోయాయి. విద్యుత్ సరఫరాకు అంతరాయం కలుగుతోంది. లోతట్టు ప్రాంతాల్లో నీళ్లు నిలిచిపోయాయి. జీహెచ్‌ఎంసీ సిబ్బంది రోడ్లపై నీళ్లు నిలువకుండా తగిన జాగ్రత్తలు తీసుకుంటున్నారు.
కొన్నాళ్లుగా ఎండ, పెరిగిన ఉష్ణోగ్రతల నుంచి వర్షాల వల్ల ప్రజలకు కాస్త ఉపశమనం లభించినట్లయింది. హైదరాబాద్‌తో పాటు రాష్ట్రవ్యాప్తంగా పలు జిల్లాల్లో వానలు మరో మూడు రోజుల పాటు కొనసాగే అవకాశముందని హైదరాబాద్ వాతావరణశాఖ తెలిపింది. ఈ నెల 16వ తేదీ వరకు కొన్ని జిల్లాల్లో ఉరుములు, మెరుపులతో కూడిన ఓ మోస్తరు వర్షాలు కురిసే అవకాశముందని స్పష్టం చేసింది.
(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)