Gaddam Vinod: మాజీ మంత్రి మొబైల్ నుంచి అశ్లీల వీడియో బయటకు, ఆ వీడియోతో తనకెలాంటి సంబంధం లేదని స్పష్టం చేసిన కాంగ్రెస్ నేత గడ్డం వినోద్
వాట్సాప్ గ్రూపులో ఎవరు పోస్టు చేశారో తెలియకపోయినా మాజీ మంత్రి వినోద్ ఫోన్‌ నుంచి ఈ వీడియో బయటకు రావడంతో క్షణాల్లో వైరల్‌గా మారింది.
Hyd, Oct 6: తెలంగాణ కాంగ్రెస్ నేత, మాజీ మంత్రి గడ్డం వినోద్ సెల్‌ఫోన్‌ నుంచి ఓ అశ్లీల వీడియో మంచిర్యాల జిల్లా వాట్సాప్ గ్రూప్‌లో షేర్‌ చేయడం జిల్లాలో కలకలం రేపింది. వాట్సాప్ గ్రూపులో ఎవరు పోస్టు చేశారో తెలియకపోయినా మాజీ మంత్రి వినోద్ ఫోన్‌ నుంచి ఈ వీడియో బయటకు రావడంతో క్షణాల్లో వైరల్‌గా మారింది. ఈ విషయం మాజీ మంత్రి వినోద్ దృష్టికి వెళ్లడంతో ఆయన తీవ్రంగా స్పందిస్తూ ఓ ప్రకటన విడుదల చేశారు.
తనకున్న రెండు సెల్‌ఫోన్లలో ఒకటి తన వద్ద, మరొకటి డ్రైవర్‌ వద్ద ఉంటాయని ఆయన తెలిపారు. డ్రైవర్‌ వద్ద ఉన్న సెల్‌ఫోన్‌ను తానెప్పుడూ వినియోగించలేదని, డ్రైవర్‌ తప్పిదంతో జరిగి ఉంటుందని అభిప్రాయపడ్డారు. ఆ అశ్లీల వీడియోతో తనకెలాంటి సంబంధం లేదని స్పష్టం చేశారు. డ్రైవర్‌ తప్పిదంతో జరిగిన పొరపాటును రాజకీయం చేయడం బుద్ధి జీవుల లక్షణం కాదని.. విజ్ఞతతో ఆలోచించాలని వినోద్ కోరారు.