World's Largest Cargo Plane In Hyderabad: ప్రపంచంలోనే అతిపెద్ద కార్గో విమానం మన భాగ్యనగరికి వచ్చిందోచ్... వీడియో ఇదిగో!
మేరు పర్వతంలా కనిపిస్తున్న ఈ భారీ విమానం పేరు బెలూగా. ప్రపంచంలోనే అతిపెద్ద కార్గో విమానంగా గుర్తింపు పొందిన ఈ ఎయిర్ బస్ లోహ విహంగం హైదరాబాదులోని శంషాబాద్ ఎయిర్ పోర్టులో రాజసం ఒలికిస్తూ గత రాత్రి ల్యాండైంది.
Hyderabad, Dec 6: మేరు పర్వతంలా కనిపిస్తున్న ఈ భారీ విమానం పేరు బెలూగా (Beluga). ప్రపంచంలోనే అతిపెద్ద కార్గో విమానంగా (World’s Largest Cargo Plane) గుర్తింపు పొందిన ఈ ఎయిర్ బస్ లోహ విహంగం హైదరాబాదులోని (Hyderabad) శంషాబాద్ ఎయిర్ పోర్టులో (Shamshabad Airport) రాజసం ఒలికిస్తూ గత రాత్రి ల్యాండైంది. ఈ విశిష్ట అతిథికి హైదరాబాద్ ఎయిర్ పోర్టు వర్గాలు స్వాగతం పలికాయి. ఈ భారీ విమానం ల్యాండింగ్ (Landing), పార్కింగ్ (Parking) కోసం ఎయిర్ పోర్టు అథారిటీ ప్రత్యేక ఏర్పాట్లు చేసింది. ఈ విమానం నేటి రాత్రి 7.20 నిమిషాల వరకు హైదరాబాదులోనే ఉంటుంది.
దుబాయ్ లోని మాక్టోం విమానాశ్రయం నుంచి థాయ్ లాండ్ వెళుతూ మార్గమధ్యంలో ఇంధనం నింపుకోవడానికి బెలూగా హైదరాబాద్ వచ్చింది. కాగా, ఎయిర్ బస్ సంస్థ తయారుచేసిన ఈ బెలూగా విమానం పొడవు 56 మీటర్లు, బరువు 95 టన్నులు. ఇది 56 అడుగుల ఎత్తు ఉంటుంది. ఎయిర్ బస్ సంస్థ దీన్ని ఒక తిమింగలం రూపంలో డిజైన్ చేసింది.