JioPhone Prima 2 4G: తొలి సారి ఫ్రంట్‌ కెమెరాతో జియో నుంచి అదిరిపోయే ఫీచర్ ఫోన్, జియో ఫోన్ ప్రైమా 2 ఫీచర్లు, ధర గురించి ఓ సారి తెలుసుకోండి

దేశీయ టెలికాం దిగ్గజం జియో భారత మార్కెట్లోకి జియో ఫోన్ ప్రైమా 2 (Jio Phone Prima 2) తీసుకువచ్చింది. 2023 నవంబర్‌లో జియో ఆవిష్కరించిన జియో ఫోన్ ప్రైమా 4జీ (Jio Phone Prima 4G) కొనసాగింపుగా జియో ఫోన్ ప్రైమా 2 వస్తోంది. 2.4 అంగుళాల కర్వ్డ్ స్క్రీన్ తోపాటు క్వాల్ కామ్ ప్రాసెసర్, 2000 ఎంఏహెచ్ కెపాసిటీ గల బ్యాటరీ, రేర్ అండ్ ఫ్రంట్ కెమెరాలు ఉంటాయి.

జియో ఫోన్‌ ప్రైమా 2 (Jio prima 2) ఫోన్‌ను 2.4 అంగుళాల కర్వ్‌డ్‌ స్క్రీన్‌, కీ ప్యాడ్‌, క్వాల్‌కామ్‌ చిప్‌సెట్‌తో తీసుకొచ్చారు. 4జీబీ ర్యామ్‌, 128జీబీ స్టోరేజ్‌ సదుపాయం ఉంది. సింగిల్‌ న్యానో సిమ్‌కు సపోర్ట్‌ చేసే ఈ ఫోన్‌ను మైక్రో ఎస్‌డీ కార్డ్‌ సాయంతో స్టోరేజీ పెంచుకోవచ్చు. ఈ సారి ఫ్రంట్‌ కెమెరాతో తీసుకురావడం విశేషం. ఎల్ఈడీ టార్చ్ యూనిట్ గల ఈ ఫోన్ ఫ్రంట్ కెమెరా నేరుగా వీడియో కాలింగ్ కు మద్దతుగా ఉంటుంది.

రియల్ మీ నార్జో 70 టర్బో 5జీ మార్కెట్లోకి వచ్చేసింది, ధర, ఫీచర్లు ఇతర వివరాలు ఇవిగో..

ఈ ఫోన్ ద్వారా యూపీఐ పేమెంట్స్ చేయడానికి వీలుగా జియో పే యాప్ ఉంటుంది. ఎంటర్‌టైన్‌మెంట్ కోసం జియో టీవీ, జియో సినిమా, జియో సావన్ యాప్స్ ఉంటాయి. గూగుల్ అసిస్టెంట్, వాట్సాప్‌, ఫేస్ బుక్, యూ-ట్యూబ్ కూడా పొందొచ్చు.జియో ప్రైమా 2 ధర రూ.2,799గా కంపెనీ నిర్ణయించింది. బ్లూ రంగులో లభిస్తుంది. అమెజాన్‌ వేదికగా వీటిని బుక్‌ చేసుకోవచ్చని కంపెనీ తెలిపింది. 23 భాషలకు ఈ ఫోన్‌ సపోర్ట్ చేస్తుంది. ఈ మొబైల్‌ 3.5mm ఆడియో జాక్‌, 4జీ కనెక్టివిటీకి సపోర్ట్‌ చేస్తుంది.

(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)