WhatsApp New Feature: వాట్సాప్ లో వాయిస్ మెసేజ్ ల‌ను ఇక‌పై విన‌డ‌మే కాదు చ‌ద‌వ‌చ్చు! అందరికీ అందుబాటులోకి కొత్త ఫీచర్
అలా వీలు కాకుంటే సదరు వాయిస్ మెసేజ్ వదిలేయాల్సి ఉంటది. ఈ ఇబ్బందులకు చెక్ పెట్టడానికి.. వాయిస్ మెసేజ్.. టెక్ట్స్ రూపంలో చదువుకోవడానికి వీలుగా వాయిస్ ట్రాన్స్‌స్క్రిప్ట్స్ (Voice Message Transcripts) ఫీచర్ తెచ్చింది. ఈ ఫీచర్ సాయంతో వాయిస్ మెసేజ్ వినొచ్చు.
New Delhi, NOV 22: ఇన్‌స్టంట్ మెసేజింగ్ యాప్ వాట్సాప్ (Whatsapp) తన యూజర్ల కోసం రోజుకో ఫీచర్ తీసుకొస్తోంది. చాలా మంది యూజర్లు సుదీర్ఘ విషయం చెప్పడానికి వాయిస్ మెసేజ్ ఫీచర్ (Whatsapp Voice Message ) వినియోగిస్తారు. ఈ వాయిస్ మెసేజ్‌ని నలుగురి మధ్యలో ఉన్నప్పుడు వినడం ఇబ్బందికరంగా ఉంటుంది. అటువంటప్పుడు వినాలంటే ఇయర్ ఫోన్స్ ఉండాలి. అలా వీలు కాకుంటే సదరు వాయిస్ మెసేజ్ వదిలేయాల్సి ఉంటది. ఈ ఇబ్బందులకు చెక్ పెట్టడానికి.. వాయిస్ మెసేజ్.. టెక్ట్స్ రూపంలో చదువుకోవడానికి వీలుగా వాయిస్ ట్రాన్స్‌స్క్రిప్ట్స్ (Voice Message Transcripts) ఫీచర్ తెచ్చింది. ఈ ఫీచర్ సాయంతో వాయిస్ మెసేజ్ వినొచ్చు.. వినలేని పరిస్థితుల్లో ట్రాన్స్‌స్క్రిప్ట్ (Transcripts) చేసుకుని టెక్ట్స్ రూపంలో చదువు కోవచ్చు. అలాగని అది ట్రాన్స్ లేటర్ కానేకాదు. వాయిస్ మెసేజ్ ఉన్న భాషలోనే టెక్ట్స్ వస్తుంది. ఈ ఫీచర్ ఎనేబుల్ చేసుకుంటే వాయిస్ మెసేజ్‌లకు ఆటోమేటిక్‌గా కింద టెక్ట్స్ రూపం లభిస్తుంది. కేవలం మెసేజ్ అందుకున్న వారు మాత్రమే టెక్ట్స్ చూడగలరు తప్ప.. పంపిన వారు అలా టెక్ట్స్ మెసేజ్ కోసం ఈ ఫీచర్ వినియోగించలేరని వాట్సాప్ తెలిపింది.
ఆండ్రాయిడ్ వర్షన్‌లో ఇంగ్లీష్ తోపాటు పోర్చుగీస్, రష్యన్, స్పానిష్ భాషలకు వాయిస్ మెసేజ్ ఫీచర్ మద్దతుగా ఉంటుంది. ఇక ఆపిల్ ఐఓఎస్ యూజర్లకు అదనంగా అరబిక్, చైనీస్, ఫ్రెంచ్, జర్మన్, ఇటాలియన్, జపనీస్ భాషల్లో ఈ ఫీచర్ అందుబాటుటో ఉంటుంది. మున్ముందు ఇతర భాషల్లోకి విస్తరించనున్నది. వాయిస్ మెసేజ్ ట్రాన్స్‌స్క్రిప్ట్స్ ఫీచర్ యాక్టివేట్ చేసుకోవడానికి వాట్సాప్ సెట్టింగ్స్ లోకి వెళ్లాలి. అక్కడ చాట్స్ ఆప్షన్ ఎంచుకోవాలి. అందులో కనిపించే వాయిస్ మెసేజ్ ట్రాన్స్‌స్క్రిప్ట్స్ ఆప్షన్ ఆన్ / ఆఫ్ చేసుకోవడంతోపాటు భాషను కూడా ఎంచుకోవాలి. ఆండ్రాయిడ్ లేదా ఐఓఎస్ యూజర్లకు సపోర్ట్ లేని భాష, పదాలను గుర్తించలేకపోతే ట్రాన్స్‌స్క్రిప్ట్స్ ఎర్రర్ వస్తుందని వాట్సాప్ తన బ్లాగ్ పోస్టులో వెల్లడించింది. ప్రపంచవ్యాప్తంగా వాట్సాప్ రోల్ ఔట్ చేసిన ఈ ఫీచర్ త్వరలోనే అందరికీ అందుబాటులోకి రానున్నది.
(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)