Shooting in USA: అమెరికాలో మళ్లీ కాల్పుల కలకలం.. మినియాపొలిస్ నగరంలో శుక్రవారం రాత్రి ఓ మ్యూజిక్ షోలో కాల్పులు.. ఒకరి మృతి, ఆరుగురికి తీవ్ర గాయాలు
తుపాకీ కాల్పులతో అమెరికా దద్దరిల్లిపోతున్నది. కాల్పుల కలకలంతో అగ్రరాజ్యం మరోసారి వణికిపోయింది. మిన్నెసొటా రాష్ట్రంలోని మినియాపొలిస్ నగరంలో శుక్రవారం రాత్రి ఓ పంక్ రాక్ షోలో (మ్యూజిక్ షో) కాల్పులు జరిగాయి.
Newyork, Aug 13: తుపాకీ కాల్పులతో (Shooting) అమెరికా (America) దద్దరిల్లిపోతున్నది. కాల్పుల కలకలంతో అగ్రరాజ్యం మరోసారి వణికిపోయింది. మిన్నెసొటా రాష్ట్రంలోని మినియాపొలిస్ (Minneapolis) నగరంలో శుక్రవారం రాత్రి ఓ పంక్ రాక్ షోలో (మ్యూజిక్ షో-Music Show) కాల్పులు జరిగాయి. ఈ ఘటనలో ఒకరు మరణించగా ఆరుగురు తీవ్ర గాయాలపాలయ్యారు. ప్రాథమిక సమాచారం ప్రకారం, ఇద్దరు వ్యక్తులు ఈ కాల్పులకు తెగబడ్డట్టు తెలుస్తోంది. ఆ తరువాత వారు అక్కడి నుంచి పరిగెత్తుకుని వెళ్లిపోయారని అధికారులు భావిస్తున్నారు. కాల్పుల్లో గాయపడ్డ వారు తమంతట తాముగా ఆసుపత్రికి వెళ్లారు.
కావాలనే టార్గెట్..
మ్యూజిక్ షోలో పాల్గొన్న వారిని నిందితులు కావాలనే టార్గెట్ చేసుకుని ఉంటారని పోలీస్ చీఫ్ బ్రయన్ ఓ హారా మీడియా సమావేశంలో వెల్లడించారు. ‘ఘటన మొదలయ్యే కంటే ముందువరకూ అంతా బానే ఉంది. కానీ ఆ మరుక్షణమే కాల్పులు జరిగాయి. తూటాల నుంచి తప్పించుకునేందుకు అందరూ నేలపై పడుకున్నారు’ అని ఆ మ్యూజిక్ కార్యక్రమానికి హాజరైన ప్రేక్షకుడు ఒకరు తెలిపారు. కాగా, నిందితుల కోసం పోలీసులు విస్తృత గాలింపు చర్యలు చేపట్టారు.
(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)