Charles Sobhraj: సీరియల్ కిల్లర్ చార్జెస్ శోభరాజ్ విడుదల, ఆ పేరు వింటే 90ల్లో వణికిపోయేవారు, 20 మంది టూరిస్టులను కిరాతకంగా చంపిన చార్లెస్, ఇంతకీ శోభరాజ్‌ను బికినీ కిల్లర్ అని ఎందుకు పిలుస్తారంటే?

New Delhi, DEC 22: చార్లెస్ శోభరాజ్(Charles Sobhraj).. ఈ పేరు వింటేనే వరుస హత్యలు గుర్తుకొస్తాయి. కరడుగట్టిన హంతకుడు, ఫ్రాన్స్ కు చెందిన సీరియల్ కిల్లర్‌ జీవితం ఆధారంగా బీబీసీ, నెట్‌ఫ్లిక్స్ (Netflix) వంటి వాటిలో వెబ్ సిరీస్‌లు సైతం రూపుదిద్దుకున్నాయి. అంతటి భయంకరమైన కిల్లర్. అతనికి 20కిపైగా హత్యల్లో ప్రమేయం ఉంది. 78ఏళ్ల వయస్సు కలిగిన చార్లెస్ (Charles Sobhraj).. తన చిన్నతనం నుండే నేరప్రవృత్తి కలిగి ఉన్నాడు. దీంతో దాదాపు అతను అనేక సంవత్సరాలు జైలు జీవితం గడిపాడు. నివేదికల ప్రకారం.. చార్లెస్ దక్షిణ, ఆగ్నేయాసియాలో దాదాపు 20 మంది పర్యాటకులను హత్యచేశాడు. ఇందులో 14 హత్యలు థాయ్‌లాండ్‌లో జరిగినవే కావటం గమనార్హం. 1975లో అమెరికన్ టూరిస్ట్ కొన్నీ జో బ్రోంజిచ్‌ను హత్యచేసినందుకు చార్లెస్ శోభరాజ్‌కు నేపాల్ న్యాయస్థానం (nepal court) 2003లో జీవిత ఖైదును విధించింది. బ్రోంజిచ్ యొక్క కెనడియన్ భాగస్వామిని హత్యచేసినందుకు కూడా శోభరాజ్‌ను దోషిగా కోర్టు నిర్ధారించింది. దీంతో అతనికి 21ఏళ్లు పాటు జైలు శిక్షను న్యాయస్థానం విధించింది.

Mumbai Shocker: ముంబైలో దారుణం, నడిరోడ్డుపై కత్తితో దాడి చేసి వ్యాపారస్తుడు కిడ్నాప్, బృందాలుగా ఏర్పడి నిందితుల కోసం గాలిస్తున్న ముంబై పోలీసులు 

ప్రస్తుతం అతనునేపాల్ జైలులో శిక్ష అనుభవిస్తున్నాడు. 78ఏళ్ల వయస్సు కావటంతో పాటు అనారోగ్యకారణంగా ఇబ్బంది పడుతుండటంతో నేపాల్ సుప్రీంకోర్టు అతడిని విడుదల చేయాలని ఆదేశించింది. చార్లెస్ కు వ్యతిరేకంగా పెండింగ్ కేసులేమీ లేకపోతే వెంటనే విడుదల చేసి 15రోజుల్లోపు అతడిని స్వదేశానికి పంపించాలని నేపాల్ సర్వోన్నత న్యాయస్థానం తీర్పు ఇచ్చింది. చార్లెస్ ఢిల్లీలో ఓ ఫ్రెంచ్ పౌరుడికి విషం ఇచ్చి హత్యచేసిన కేసులో భారత్‌లోనూ జైలు శిక్ష అనుభవించాడు. 1976 నుంచి 1997 వరకు భారత్ లో చార్లెస్ జైలు జీవితాన్ని అనుభవించాడు. అయితే 1986లో జైలు నుంచి తప్పించుకున్నప్పటికీ.. పోలీసులు అతన్ని గుర్తించి మళ్లీ జైలుకు పంపించారు.

Madhya Pradesh: వైరల్ సీసీ పుటేజీ, ఆడుకుంటూ బావిలో పడిపోయిన బాలుడు, చుట్టు పక్కల వాళ్లను అప్రమత్తం చేసిన స్నేహితుడు, బావిలోకి దిగి బాలుడ్ని రక్షించిన స్థానికుడు 

వియాత్న మూలానికి చెందిన చార్లెస్ శోభరాజ్ 1944లో వియాత్నంలోని హూచిమిన్ నగరంలో జన్మించారు. అతనికి తొమ్మిది దేశాల్లో నేరప్రమేయం ఉంది. భారత్, నేపాల్, మయన్మార్, థాయ్‌లాండ్, ఫ్రాన్స్, గ్రీస్, టర్కీ సహా తొమ్మిది దేశాల పోలీసులు చార్లెస్ కోసం ఎదురుచూసిన సందర్భాలు ఉన్నాయి. ఎక్కువకాలం నాలుగు దేశాల్లో మాత్రమే చార్లెస్ ఖైదీగా జీవితాన్ని కొనసాగించాడు. చార్లెస్ కు ‘ బికినీ కిల్లర్’ (Bikini killer) అనే పేరుంది. 70వ దశకంలో చార్లెస్ ఆగ్నేయాసియాలో 12 మంది పర్యాటకులను హత్యచేశాడు. నీటిలో ముంచడం, గొంతు నులిమి చంపడం, కత్తితో లేదా సజీవదహనం చేయడం వల్ల చార్లెస్ హత్యలు చేసేవాడు. బీచ్‌లలో బికినీ ధరించిన టూరిస్ట్ అమ్మాయిలను ఎక్కువగా చంపేవాడు. దీంతో చార్లెస్ ను బికినీ కిల్లర్ అని కూడా పిలుస్తారు.

(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)