New Orleans Crash: నూతన సంవత్సర వేడుకల్లో కాల్పుల కలకలం, జనాలపైకి వాహనంతో దూసుకెళ్లి అనంతరం కాల్పులు జరిపిన దుండగుడు, 10 మంది మృతి
నూతన సంవత్సరం (New Year Eve) వేళ అమెరికాలో తీవ్ర విషాద ఘటన చోటుచేసుకుంది. జనాలపైకి ఓ వాహనం దూసుకెళ్లిన ఘటనలో 10 మంది మృతి చెందారు. మరో 30 మందికి గాయాలైనట్లు సమాచారం. వేగంగా ఓ వాహనం (Car Accidents) దూసుకొచ్చిందని, అనంతరం డ్రైవర్‌ బయటకు వచ్చి జనాలపై కాల్పులు జరిపినట్లు తెలుస్తోందని స్థానిక మీడియా వెల్లడించింది.
New Orleans, JAN 01: నూతన సంవత్సరం (New Year Eve) వేళ అమెరికాలో తీవ్ర విషాద ఘటన చోటుచేసుకుంది. జనాలపైకి ఓ వాహనం దూసుకెళ్లిన ఘటనలో 10 మంది మృతి చెందారు. మరో 30 మందికి గాయాలైనట్లు సమాచారం. వేగంగా ఓ వాహనం (Car Accidents) దూసుకొచ్చిందని, అనంతరం డ్రైవర్‌ బయటకు వచ్చి జనాలపై కాల్పులు జరిపినట్లు తెలుస్తోందని స్థానిక మీడియా వెల్లడించింది. లూసియానాలోని న్యూ ఆర్లీన్స్‌లో (New Orleans) ఈ ప్రమాదం చోటుచేసుకుంది.
న్యూ ఆర్లీన్స్‌లో ఉన్న కెనాల్‌ అండ్‌ బోర్బన్‌ స్ట్రీట్‌ కూడలిలో నూతన సంవత్సర వేడుకలు జరిగాయి. స్థానిక స్టేడియంలో (Superdome) ఇదే రోజు సాయంత్రం షుగర్‌ బౌల్‌ (Sugar Bowl) కాలేజీ ఫుట్‌బాల్‌ ప్లేఆఫ్‌ మ్యాచ్‌ జరగనుంది. దీంతో ఆ ప్రాంతంలో భారీ సంఖ్యలో జనాలు గుమికూడారు. అదే సమయంలో వేగంగా ఓ వాహనం దూసుకొచ్చింది. అందులో నుంచి బయటకు వచ్చిన డ్రైవర్‌.. సమూహంపై కాల్పులు జరిపాడు. అప్పటికే 10 మృతి చెందగా.. దాదాపు 30 మంది గాయపడ్డారు. వెంటనే స్పందించిన పోలీసులు..అతడిపై కాల్పులు జరిపారు. దీంతో అతడు హతమైనట్లు అధికారులు వెల్లడించారు.
ఈ దాడి ఉద్దేశపూర్వకంగా చేసినట్లు అనుమానిస్తున్నామని నగర పోలీసులు వెల్లడించారు. ఈ దుశ్చర్యను ఉగ్రదాడిగా నగర మేయర్‌ లాటోయా కాంట్రెల్‌ పేర్కొన్నారు. ఎఫ్‌బీఐ మాత్రం దీనిని తోసిపుచ్చింది. ఉగ్రదాడి కాదని అసిస్టెంట్‌ ఎఫ్‌బీఐ ఏజెంట్‌ ప్రకటించారు. అయితే, ఘటనా స్థలంలో పేలుడు పదార్థాలు గుర్తించామని, ఉగ్ర కోణంలోనూ దర్యాప్తు చేస్తామన్నారు.
(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)