Unstoppable Season 4 : బాలకృష్ణ ద‌గ్గ‌ర కూర‌గాయ‌లు కొన్న చంద్రబాబు, బాల‌య్య అన్ స్టాప‌బుల్ సీజన్-4 మొద‌లైంది, మ‌రోసారి ఓటీటీలో సంద‌డి చేయ‌నున్న బావ, బావ‌మ‌రిది
ఇక నాలుగో సీజ‌న్‌కు సంబంధించిన ప్రొమోను ఇప్ప‌టికే విడుద‌ల చేశారు. అన్‌స్టాపబుల్ సీజన్ 4 పై అంచ‌నాలు భారీగానే ఉన్నాయి. వాటికి ఏ మాత్రం త‌గ్గ‌కుండా షోను ప్లాన్ చేస్తున్నారు నిర్వాహ‌కులు.
Hyderabad, OCT 20: ఆహా ఓటీటీలో వచ్చిన బాలకృష్ణ అన్‌స్టాపబుల్ (Unstoppable Season 4) మూడు సీజన్లు విజ‌య‌వంతంగా పూర్తి చేసుకుంది. ఇక నాలుగో సీజ‌న్‌కు సంబంధించిన ప్రొమోను ఇప్ప‌టికే విడుద‌ల చేశారు. అన్‌స్టాపబుల్ సీజన్ 4 పై అంచ‌నాలు భారీగానే ఉన్నాయి. వాటికి ఏ మాత్రం త‌గ్గ‌కుండా షోను ప్లాన్ చేస్తున్నారు నిర్వాహ‌కులు. తొలి ఎపిసోడ్‌కు ఆంధ్ర‌ప్రదేశ్ ముఖ్య‌మంత్రి నారా చంద్రబాబు నాయుడిని (Nara Chandrababau Naidu) తీసుకువ‌చ్చారు. ఇందుకు సంబంధించిన షూటింగ్ నేడు హైద‌రాబాద్‌లోని అన్న‌పూర్ణ స్టూడియోస్‌లో జ‌రిగింది.
Unstoppable Season 4 First Episode
సార్వ‌త్రిక ఎన్నిక‌ల ముందు, ఆ త‌రువాత చోటు చేసుకున్న పలు అంశాల‌ను చంద్రబాబు పంచుకున్న‌ట్లుగా తెలుస్తోంది. బాలకృష్ణతో కలిసి చంద్రబాబు పలు టాస్క్‌లు కూడా ఆడారు. ఇక చంద్ర‌బాబుతో బాల‌య్య (Balakrishna) కూర‌గాయ‌ల‌ను కొనిపించారు. ఆ త‌రువాత బాలకృష్ణ ని ఒక రేంజు లో ఆడుకున్న ఆడుకున్నారు చంద్రబాబు . బాలయ్యతో బోత్ ఆర్ నాట్ ది సేమ్ అనే డైలాగ్‌ను ముఖ్య‌మంత్రి చెప్పార‌ట.
మొత్తానికి ఈ షో బావ బామ‌ర్దిల మ‌ధ్య స‌ర‌దాగా సాగిన‌ట్లుగా స‌మాచారం. ఇక ఈ మొద‌టి ఎపిసోడ్ ఆహాలో అక్టోబ‌ర్ 25న రాత్రి 8.30గంట‌ల‌కు స్ట్రీమింగ్ కానుంది. ఈ ఎపిసోడ్ కోసం అంతా ఆస‌క్తిగా ఎదురుచూస్తున్నారు.