Budget Session of Parliament: నేటి నుంచి పార్లమెంట్ బడ్జెట్ సమావేశాలు, తొలి రోజు ఉభయ సభలనుద్దేశించి ప్రసంగించనున్న రాష్ట్రపతి రామ్ నాథ్ కోవింద్, నేడు ఆర్థిక సర్వే సమర్పణ

New Delhi, January 29: కరోనాతో నెలల పోరాటం, ఆర్థిక కష్టాలు, ధరల పెరుగుదల, నిరుద్యోగం, రైతులు మరియు ప్రజా సంఘాల ఉద్యమాలు ఇలా వీటన్నింటి నడుమ పార్లమెంట్ బడ్జెట్ సమావేశాలు మొదలు కానున్నాయి. కేంద్ర ఆర్థిక మంత్రి నిర్మలా సీతారామన్ ఈరోజు పార్లమెంటులో వార్షిక ఆర్థిక సర్వేను ప్రవేశపెట్టనున్నారు. సాధారణంగా పార్లమెంటులో బడ్జెట్ సమర్పణకు ఒక రోజు ముందు ఈ ఎకనామిక్ సర్వే ప్రదర్శించబడుతుంది. ఇది ఆర్థిక వ్యవస్థ యొక్క అధికారిక నివేదికగా పనిచేస్తుంది. ఈ ఏడాది, ఆర్థిక మంత్రి జనవరి 29, శుక్రవారం పార్లమెంటులో ప్రవేశపెడుతున్నారు. రెండు రోజుల తర్వాత ఫిబ్రవరి 1న 2021-22 కేంద్ర బడ్జెట్‌ను నిర్మలా సీతారామన్ పార్లమెంటులో ప్రవేశపెడుతున్నారు.

ఈ ఏడాది కూడా వార్షిక ఆర్థిక సర్వేను చీఫ్ ఎకనామిక్ అడ్వైజర్ (సిఇఎ) కృష్ణమూర్తి సుబ్రమణియన్ మరియు అతని బృందం రూపొందించింది. 2019 లో తన మొదటి సర్వేలో సుబ్రమణియన్ 2024-25 నాటికి భారతదేశాన్ని 5 ట్రిలియన్ డాలర్ల ఆర్థిక వ్యవస్థగా మార్చడానికి 8% నిరంతర స్థూల జాతీయోత్పత్తి (జిడిపి) వృద్ధిని సాధించాలనే ఎజెండాను నిర్దేశించారు, దీనినే ప్రధానమంత్రి నరేంద్ర మోదీ తన లక్ష్యంగా పేర్కొన్నారు. అయితే, కరోనావైరస్ మహమ్మారి 2020 లో భారత ఆర్థిక వ్యవస్థను తీవ్రంగా ప్రభావితం చేసింది. ఇది ఏప్రిల్ జూన్ త్రైమాసికంలో 23.9% సంవత్సరానికి (YOY) భారీగా కుదించింది. గత 40 సంవత్సరాలలో ఇదే మొదటి జిడిపి సంకోచం. జాతీయ గణాంక కార్యాలయం విడుదల చేసిన అంచనాల ప్రకారం జూలై-సెప్టెంబర్ త్రైమాసికంలో, భారతదేశ జిడిపి సంవత్సరానికి 7.5% కుదించుకుపోయింది.

ఆర్థిక నిపుణులు మరియు భారత ఆర్థిక వ్యవస్థను ట్రాక్ చేసే వారు 2021-22 సంవత్సరానికి సంబంధించిన వృద్ధి అంచనాలపై ఆసక్తిగా గమనిస్తున్నారు. నేటి వార్షిక సర్వే ఆర్థిక వ్యవస్థ యొక్క స్థితి, అవకాశాలు మరియు విధాన సవాళ్ళ గురించి వివరంగా తెలియజేస్తుంది.

ఇది వివిధ రంగాలకు సంబంధించి అవకాశాలు మరియు అవసరమైన సంస్కరణ చర్యలపై సూచనలను కలిగి ఉంటుంది. సర్వే యొక్క దృక్పథం భవిష్యత్ విధాన కదలికల సూచిగా పనిచేస్తుంది. ఈ సర్వే ఆర్థిక వృద్ధి అంచనాలను తెలియజేస్తుంది, ఆర్థిక వ్యవస్థ వేగంగా విస్తరిస్తుందని లేదా క్షీణిస్తుందని నమ్ముతున్నందుకు వివరణాత్మక కారణాలను తెలియజేస్తుంది.

నేడు ఉభయ సభలనుద్దేశించి రాష్టపతి రామ్ నాథ్ కోవింద్ ప్రసంగించనున్నారు. అనంతరం ఆయన బడ్జెట్ సమావేశాలు ప్రారంభమైనట్లు పేర్కొంటారు. అయితే విపక్షలు రాష్ట్రపతి ప్రసంగాన్ని బహిష్కరించాలని నిర్ణయించాయి.

(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)