Coronavirus in India: దేశంలో 98 లక్షలు దాటిన కోవిడ్ కేసులు, ప్రపంచ వ్యాప్తంగా 7 కోట్లు దాటిన కరోనా వైరస్ కేసుల సంఖ్య, తెలంగాణలో తాజాగా 635 మందికి కరోనా, రాష్ట్రంలో 2,77,151కి మొత్తం కేసుల సంఖ్య

New Delhi, December 12: దేశంలో గత 24 గంటల్లో 30,005 కొత్త కరోనా కేసులు (Coronavirus in India) బయటపడగా..మొత్తం కేసుల సంఖ్య 98,26,775కు చేరుకుందని ఆరోగ్య శాఖ తెలిపింది. కరోనా కారణంగా కొత్తగా 442 మంది మరణించడంతో మొత్తం మరణాల సంఖ్య 1,42,628కు చేరుకుందని తెలిపింది. కరోనా నుంచి కొత్తగా 33,494 మంది కోలుకోగా.. మొత్తం డిశ్చార్జి అయిన వారి సంఖ్య 93,24,328 కు చేరుకుంది.

దీంతో మొత్తం రికవరీ రేటు 94.84 శాతానికి చేరింది. దేశంలో ప్రస్తుతం 3,59,819 యాక్టివ్ కేసులు ఉన్నాయి. మొత్తం కరోనా కేసుల్లో యాక్టివ్‌ కేసులు 3.71 శాతం ఉండగా.. మరణాల శాతం 1.45 శాతంగా ఉంది. మేఘాలయ ముఖ్యమంత్రి కొన్రాడ్‌ కె సంగ్మా తనకు కరోనా సోకిందని శుక్రవారం ట్విట్టర్‌ ద్వారా వెల్లడించారు. ప్రస్తుతం కొద్దిమేర లక్షణాలు ఉన్నాయని, ఐసోలేషన్‌లో ఉండి చికిత్స తీసుకుంటున్నట్లు తెలిపారు.

ఇక తెలంగాణలో గత 24 గంటల్లో 635 కరోనా కేసులు (Coronavirus in Telangana) నమోదయ్యాయి. తెలంగాణ‌ రాష్ట్ర వైద్య, ఆరోగ్య శాఖ ఈ రోజు ఉదయం వెల్లడించిన కరోనా కేసుల వివరాల ప్ర‌కారం... గత 24 గంటల్లో నలుగురు కరోనాతో ప్రాణాలు కోల్పోగా, అదే సమయంలో 565 మంది కోలుకున్నారు. ఇక రాష్ట్రంలో నమోదైన మొత్తం కరోనా కేసుల సంఖ్య 2,77,151కి చేరింది. ఇప్పటివరకు మొత్తం 2,67,992 మంది కోలుకున్నారు. మృతుల సంఖ్య మొత్తం 1,489కి చేరింది. తెలంగాణలో ప్రస్తుతం 7,670 మంది కరోనాకు చికిత్స పొందుతున్నారు. వారిలో 5,557 మంది హోం క్వారంటైన్ లో చికిత్స తీసుకుంటున్నారు. జీహెచ్ఎంసీ పరిధిలో కొత్తగా 141 , రంగారెడ్డి జిల్లాలో 76 కరోనా కేసులు నమోదయ్యాయి.

గుడ్ న్యూస్..కరోనా వ్యాక్సిన్ లైవ్‌లోకి వస్తోంది, ఫైజ‌ర్‌-బ‌యోఎన్‌టెక్ వ్యాక్సిన్‌కు గ్రీన్ సిగ్నల్ ఇచ్చిన బ్రిటన్, వచ్చే వారం నుంచి అందుబాటులోకి, అమెరికా నుంచే కరోనా వ్యాప్తి అంటూ కొత్త రిపోర్ట్ బయటకు

ప్రపంచవ్యాప్తంగా నమోదైన మొత్తం కరోనా కేసుల సంఖ్య 7 కోట్లు (Global Coronavirus Cases) దాటింది. ఇందులో కేవలం గత రెండు నెలల్లోనే రెండు కోట్ల కేసులు నమోదు అయ్యాయి. మరణాలు 1.59 మిలియన్లకు పైగా పెరిగాయని జాన్స్ హాప్కిన్స్ విశ్వవిద్యాలయం తెలిపింది.ప్రస్తుత గ్లోబల్ వ్యాప్తంగా కేసులు మరియు మరణాల సంఖ్య వరుసగా 70,131,911 మరియు 1,592,486 వద్ద ఉందని యూనివర్శిటీ సెంటర్ ఫర్ సిస్టమ్స్ సైన్స్ అండ్ ఇంజనీరింగ్ (సిఎస్ఎస్ఇ) తన తాజా నవీకరణలో వెల్లడించింది.

సిఎస్‌ఎస్‌ఇ ప్రకారం, ప్రపంచంలోనే అత్యధికంగా 15,834,965, 294,874 కేసులు, మరణాలు (Global Deaths) సంభవించిన దేశం అమెరికాగా నిలిచింది. కేసుల పరంగా భారత్ రెండవ స్థానంలో ఉంది. లక్షకు పైగా ధృవీకరించబడిన ఇతర దేశాలు బ్రెజిల్ (6,781,799), రష్యా (2,574,319), ఫ్రాన్స్ (2,405,210), యుకె (1,814,395), ఇటలీ (1,805,873), స్పెయిన్ (1,730,575), అర్జెంటీనా (1,489,328), కొలంబియా (1,408,909) ) జర్మనీ (1,298,776), మెక్సికో (1,217,126), పోలాండ్ (1,115,201), ఇరాన్ (1,092,407), సిఎస్‌ఎస్‌ఇ గణాంకాలు చూపించాయి.

బ్రెజిల్ ప్రస్తుతం 179,765 మరణాలలో రెండవ స్థానంలో ఉంది. 20,000 కంటే ఎక్కువ మరణించిన దేశాలు మెక్సికో (113,019), యుకె (63,603), ఇటలీ (63,387), ఫ్రాన్స్ (57,671), ఇరాన్ (51,727), స్పెయిన్ (47,624), రష్యా (45,370), అర్జెంటీనా (40,606), కొలంబియా (38,669), పెరూ (36,499), దక్షిణాఫ్రికా (22,952), పోలాండ్ (22,174), జర్మనీ (21,296).