Uttar Pradesh: యూపీలో మహిళను కింద పడేసిన ఎస్సై, సోషల్ మీడియాలో వైరల్ అవుతున్న వీడియో, ఈ ఘటనపై క్లారిటీ ఇచ్చిన కాన్పూర్ పోలీసులు, వాస్తవాలు తెలుసుకోవాలని ట్విట్టర్ ద్వారా వినతి

Kanpur, July 18: యూపీలో ఓ మ‌హిళ‌ను కింద ప‌డేసి ఓ ఎస్సై దారుణంగా కొట్టినట్లుగా (Pic of UP Policeman And Woman's Scuffle Goes Viral) సోషల్ మీడియాలో వార్తలు గుప్పుమన్నాయి. మ‌హిళ అని కూడా చూడకుండా ఆమె ప‌ట్ల ఎస్సై ప్ర‌వ‌ర్తించిన తీరుపై సోషల్ మీడియాలో స‌ర్వ‌త్రా విమ‌ర్శ‌లు మొదలయ్యాయి. ఈ ఘ‌ట‌న ఉత్త‌ర‌ప్ర‌దేశ్‌లోని కాన్పూర్‌ డెహత్‌ జిల్లా దుర్గాదాస్‌పూర్‌ గ్రామంలో చోటు చేసుకుంది. ఇందుకు సంబంధించిన‌ వీడియో బ‌య‌ట‌కు వ‌చ్చింది. అయితే దీనిపై కాన్పూర్ పోలీసులు క్లారిటీ ఇచ్చారు.

ఈ ఘటనలో వాస్తవాలు తెలుసుకోవాలని ట్వీట్ ద్వారా తెలిపారు. ఆ మహిళ ఎస్సై కాలర్ పట్టుకోవడంతో దానిని విడిపించుకునేందుకే ఆ ఎస్సై అలా చేశాడని తెలిపారు. యూపీ పంచాయితీ ఎన్నికల్లో శివరాం యాదవ్ అనే వ్యక్తి దౌర్జన్యానికి పాల్పడ్డారని. అందులో భాగంగానే అతని భార్య పోలీసులపై దాడికి దిగిందని.. వారిని నిలువరించేందుకు పోలీస్ టీం అక్కడకు వెళ్లిందని అయితే వారిపై కూడా ఆ మహిళతో పాటు కుటుంబ సభ్యులు అటాక్ చేశారని తెలిపారు.

తెలుగులోనే బీటెక్ చదువు, ప్రాంతీయ భాషల్లో బీటెక్ కోర్సుల బోధనకు అనుమతించిన అఖిల భారత సాంకేతిక విద్యా మండలి, వివరాలను వెల్లడించిన కేంద్ర విద్యాశాఖ మంత్రి ధర్మేంద్ర ప్రధాన్

కాన్పూర్ డిహాత్ ఎస్‌పీ కేశవ్ చౌదరి దీనిపై మాట్లాడుతూ ఆ వీడియోలో (Kanpur Police Shares Video) ఉన్నది భోగిన్‌పూర్‌ ఎస్సై మహేంద్ర పటేల్ అని ఆ మహిళ ఆ ఎస్సై కాలర్ పట్టుకుని దాడికి దిగిందని తెలిపారు. యాదవ్ భార్య అతని తల్లి పోలీసుపై దాడికి దిగడంతో అతను ఆత్మరక్షణ కోసం వారిపైకి దాడికి దిగాడని ఈ నేపథ్యంలోనే అతన్ని ఆ మహిళ కిందపడేసి కాలర్ పట్టుకుందని తెలిపారు. ఆ కాలర్ విడిపించుకునే సమయంలోనే ఈ వీడియో బయటకు వచ్చిందని అన్నారు.

Here Is The Video Shared By Kanpur Dehat Police:

అయితే సోషల్ మీడియాలో వస్తున్న కథనం ప్రకారం..ఇటీవ‌ల ఓ వ్య‌క్తిని భోగిన్‌పూర్‌ ఎస్సై మహేంద్ర పటేల్ (Sub-inspector Mahendra Patel) అరెస్టు చేశాడు. అయితే, ఆయ‌న‌ను విడిచిపెట్టాలంటే లంచం ఇవ్వాల‌ని అడుగుతున్నార‌ని అతని భార్య ఆరోపించింది. ఈ క్ర‌మంలోనే ఆమెను ఎస్సై కొట్టాడు. ఆమెను కింద‌ప‌డేసి, ఆమె మీద కూర్చుని బాదాడు. చివ‌ర‌కు స్థానికులు పోలీసును అడ్డుకోవ‌డంతో విడిచిపెట్టాడు. స్నేహితులతో క‌లిసి శివం యాదవ్ అనే వ్య‌క్తి జూదం ఆడుతున్న కార‌ణంగానే తాము అరెస్టు చేశామ‌ని ఎస్సై అంటున్నాడు.

కాల్పులతో వణుకుతున్న అమెరికా, వాషింగ్టన్ డీసీ కాల్పులు మరచిపోకముందే కాలిఫోర్నియా సాక్రమెంటోలో కాల్పులు, ఇద్దరు మృతి, మరో నలుగురికి గాయాలు

అరెస్టు చేయ‌కుండా అతని భార్య ఆర్తి, తల్లి తమను అడ్డుకోవాలని ప్రయత్నించి, త‌మ‌పై దాడి చేశార‌ని చెప్పాడు. నిందితుడు పారిపోయేందుకే పోలీసులను మ‌హిళ‌ అడ్డ‌గించార‌ని ఉన్న‌తాధికారులు భావిస్తున్నారు. ఇప్ప‌టికే ఎస్సై పటేల్‌ను భోగిన్‌పూర్‌ విధుల నుంచి తప్పించామని చెప్పారు. ఈ ఘటనపై దర్యాప్తు చేస్తున్నామ‌ని వివ‌రించారు. ఈ ఘ‌ట‌న‌పై ప్ర‌తిప‌క్ష పార్టీలు మండిప‌డుతున్నాయి.

(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)