MH Elections 2019: మహారాష్ట్రలో ఎగిరేది మళ్ళీ కాషాయ జెండానే! ఓపీనియన్ పోల్ ఫలితాలను వెల్లడించిన సీ-ఓటర్ సర్వే, బిజేపీ- శివ్ సేన పార్టీలకు అత్యధిక సీట్లు, కాంగ్రెస్ వరుసగా రెండోసారి ప్రతిపక్ష స్థానానికే పరిమితమవుతుందన్న సర్వే
మహారాష్ట్ర ఒకప్పుడు కాంగ్రెస్ పార్టీకి కంచుకోటగా నిలిచింది. 2014 వరకు మూడు పర్యాయాలు ఇక్కడ కాంగ్రెస్- ఎన్సీపీ కూటమి అధికారాన్ని చెలాయించింది. అయితే 2014 ఎన్నికల సమయంలో ఈ కూటమి రెండుగా విడిపోయి విడివిడిగా పోటీచేసి ఘోరంగా నష్టపోయాయి.
Mumbai, October 18: రాబోయే మహారాష్ట్ర అసెంబ్లీ ఎన్నికల (Maharashtra Assembly Elections 2019) లో బీజేపి-శివసేన కూటమి 194 స్థానాలను గెలుచుకుంటుందని సీ- ఓటరు (C Voter) సమన్వయంతో ఎబిపి న్యూస్ నిర్వహించిన ప్రజాభిప్రాయ సేకరణ ఫలితాల ద్వారా వెల్లడైంది. ఈసారి కూడా కాంగ్రెస్ పార్టీ ప్రతిపక్షానికే పరిమితమవుతుందని సర్వే పేర్కొంది. కాంగ్రెస్- నేషనలిస్ట్ కాంగ్రెస్ పార్టీ (NCP) కూటమి 86 స్థానాలకే పరిమితం అవుతుందని తెలిపింది.
అసుదుద్దీన్ ఒవైసీకి చెందిన ఆల్ ఇండియా మజ్లిస్-ఇ-ఇట్టెహాదుల్ ముస్లిమీన్, ప్రకాష్ అంబేద్కర్ నేతృత్వంలోని బహుజన్ వంచిత్ అగాదీతో సహా ఇతరులు కేవలం 8 అసెంబ్లీ స్థానాలకు మాత్రమే పరిమితం అయ్యే అవకాశం ఉందని అభిప్రాయ సేకరణ వివరాలను తెలిపింది.
ఇక ఓటు షేర్ విషయానికొస్తే, బీజేపి-శివసేన కూటమి మొత్తం ఓట్లలో 47 శాతం సాధిస్తుందని అంచనా. కాంగ్రెస్-ఎన్సీపీ కూటమి 39 శాతం ఓట్లు పొందే అవకాశం ఉంది, ఇతరులు అంతా కలిసి 14 శాతం ఓట్లను సాధిస్తారని భావిస్తున్నారు. ఒక్క సీ-ఓటర్ సర్వేనే కాకుండా చాలా సర్వేలు మహారాష్ట్రలో ఈసారి కూడా బీజేపీ-శివసేన కూటమికి విజయం సాధిస్తుందని అంచనా వేశాయి.
ఎబిపి న్యూస్-సి ఓటరు ఒపీనియన్ పోల్ ఫలితాలు:
| పార్టీ | గెలవబోయే స్థానాల అంచనా |
| బీజేపి-శివసేన | 194 |
| కాంగ్రెస్-ఎన్సీపీ | 86 |
| ఇతరులు | 8 |
మహారాష్ట్ర ఒకప్పుడు కాంగ్రెస్ పార్టీకి కంచుకోటగా నిలిచింది. 2014 వరకు మూడు పర్యాయాలు ఇక్కడ కాంగ్రెస్- ఎన్సీపీ కూటమి అధికారాన్ని చెలాయించింది. అయితే 2014 ఎన్నికల సమయంలో ఈ కూటమి రెండుగా విడిపోయి, రెండు పార్టీలు విడివిడిగా పోటీచేసి ఘోరంగా నష్టపోయాయి. ఆనాడు ఈ రెండు పార్టీలకు వరుసగా 42 మరియు 41 సీట్లను గెలుచుకున్నాయి. దీంతో 15 సంవత్సరాల సుదీర్ఘ విరామం తర్వాత కాషాయ దళం మహారాష్ట్రలో జెండా పాతింది. 2014లో బిజేపీ- శివసేన కూటమికి 185 సీట్లు వచ్చాయి. ఇప్పుడు 2019లో కూడా దాదాపు అవే ఫలితాలు రిపీట్ అవుతాయని సర్వేలు చెప్తున్నాయి. అయితే తప్పును గ్రహించి మళ్ళీ జతగా పోటీ చేస్తున్న కాంగ్రెస్-ఎన్సీపీ కూటమికి గత ఫలితాలలో ఎలాంటి మార్పు ఉండబోదని సర్వేలు తేల్చి చేప్తున్నాయి.
మహారాష్ట్రలో సింగిల్-ఫేజ్‌లో నిర్వహించ తలపెట్టిన అసెంబ్లీ ఎన్నికలు ఈ అక్టోబర్ 21న జరగనున్నాయి. అక్టోబర్ 24న ఫలితాలు ప్రకటించబడతాయి.
(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)