Toli ekadashi 2024: తొలి ఏకాదశి ఎందుకు జరుపుకుంటారో తెలుసా, విష్ణుమూర్తి 4 నెలలు యోగ నిద్రలోకి జారుకున్న తరువాత ఏం జరిగింది ?
ఈ రోజున విష్ణుమూర్తికి వివిధ రకాలుగా పూజలు చేస్తారు. ఏకాదశి రోజున విష్ణుమూర్తిని ఆరాధించడం వల్ల భక్తుల కోరికలు నెరవేరుతాయని హిందూ మతంలో విశ్వాసం. హిందూ క్యాలెండర్ ప్రకారం, ఆషాఢ మాసంలోని శుక్ల పక్షంలోని ఏకాదశిని దేవశయని ఏకాదశి అంటారు.
ఏకాదశిని విష్ణువు దినంగా పరిగణిస్తారు. ఈ రోజున విష్ణుమూర్తికి వివిధ రకాలుగా పూజలు చేస్తారు. ఏకాదశి రోజున విష్ణుమూర్తిని ఆరాధించడం వల్ల భక్తుల కోరికలు నెరవేరుతాయని హిందూ మతంలో విశ్వాసం. హిందూ క్యాలెండర్ ప్రకారం, ఆషాఢ మాసంలోని శుక్ల పక్షంలోని ఏకాదశిని దేవశయని ఏకాదశి అంటారు. పురాణాల ప్రకారం, దేవశయని ఏకాదశి రోజు నుండి విష్ణువు 4 నెలల యోగ నిద్రలోకి జారుకుంటాడు.ఈ సమయంలో శివుడు సృష్టి కార్యాన్ని నిర్వహిస్తాడు.
దేవశయని ఏకాదశి రోజు 16 జూలై 2024 మంగళవారం రాత్రి 08:33 నుండి ప్రారంభమవుతుంది. అది జూలై 17న రాత్రి 09:02 గంటలకు ముగుస్తుంది. అటువంటి సందర్భంలో 2024 నాటి దేవశయని ఏకాదశి వ్రతాన్ని జూలై 17వ తేదీ బుధవారం జరుపుకుంటారు. 2024 దేవశయని ఏకాదశి పరణ జూలై 18, 2024న చేయబడుతుంది. 18 జూలై 05:34 AM నుండి 08:19 AM వరకు పరానా చేయడానికి ఉత్తమ సమయం.
ఈ రోజంతా ఉపవాస నియమాలు పాటించి జాగరణ చేసి శ్రీ మహావిష్ణువు ధ్యానంలో గడిపి ద్వాదశి రోజు దాన , ధర్మాలు చేసి ఉపవాస దీక్ష విరమించాలి. తొలి ఏకాదశి రోజు పాటించే నియమాల వల్ల జన్మజన్మల పాపాలు ప్రక్షాళణ అవుతాయని భక్తుల విశ్వాసం. ఈ రోజు యోగనిద్రలోకి వెళ్లే శ్రీ మహావిష్ణువు...సరిగ్గా నాలుగు నెలల తర్వాత కార్తీక శుద్ధ ఏకాదశి రోజు మేల్కొంటాడు. తొలి ఏకాదశి ఎప్పుడు..? ఉపవాసం, పూజ విధానం ఏమిటి...ఈ రోజు చేయాల్సిన పూజలు ఇవే..
సత్యయుగంలో మురాసురుడనే రాక్షసుడు బ్రహ్మ వరంతో దేవతలను, మహర్షులను హింసించేవాడు. ఆ రాక్షసుడితో వెయ్యేళ్లు పోరాడిన విష్ణువు అలసిపోయి ఓ గుహలో నిద్రించాడట. అప్పుడు శ్రీ హరి శరీరం నుంచి ఓ కన్య ఉద్భవించి ఆ రాక్షసుడిని సంహరించింది. సంతోషించిన శ్రీ మహావిష్ణువు వరం కోరుకోమని చెప్పగా.. తాను విష్ణుప్రియగా ఉండాలని అడిగింది. అప్పుడు ఆమెకు ఏకాదశిగా నామకరణం చేసిన విష్ణువు.. తిథుల్లో భాగం చేశాడని ...అందుకే ఏకాదశి తిథి ప్రత్యేకం అని చెబుతారు.
ఏకాదశి అంటే మన 5 జ్ఞానేంద్రియాలను, 5 కర్మేంద్రియాలను (ఇంద్రియాలు), మన మనస్సును భగవంతుని వైపు మళ్లించడం, అంటే ఏకాదశి నాడు ఉపవాసం ఉండాలి. ఏకాదశి నాడు ఉపవాసం ఉండేటపుడు తేలికపాటి ఆహారం తీసుకుంటే మనసు ప్రశాంతంగా ఉంటుంది. కానీ మీరే ఆకలితో ఉండకండి. సరైన ఆహారం తీసుకోవడం వల్ల మన మనస్సును ఏకాగ్రతతో ఉంచుతుంది. మనం మన ఉపవాస భగవంతుడిని ఆత్మతో లేదా ఆత్మసాక్షాత్కారంతో ఆరాధించవచ్చు, స్వీయ-సాక్షాత్కార పరిశోధన సాధించడం సులభం. ఎవరి శరీరాకృతిని బట్టి వీలైనంత వరకు తేలికపాటి ఆహారాన్ని తీసుకోవాలి.
ఏకాదశి రోజు పేల పిండిని తీసుకుంటారు. పేలాల్లో బెల్లం, యాలకులు చేర్చి తయారు చేస్తారు. ఆషాఢంలో వాతావరణంలో వచ్చే మార్పులకు అనుగుణంగా శరీరాన్ని ఆరోగ్యంగా ఉంచుతుంది.