Hepatitis-A Vaccine: దేశీయంగా తొలి హెపటైటిస్‌ ఏ టీకా ఆవిష్కరణ.. అభివృద్ధి చేసిన ఐఐఎల్‌-హైదరాబాద్
‘క్లినికల్‌ పరీక్షల్లో ఈ టీకా సురక్షితం, సమర్థవంతమైనదిగా నిరూపితమైంది’ అని ఐఐఎల్‌ ఎండీ ఆనంద్‌ కుమార్‌ తెలిపారు.
Hyderabad, Jan 20: దేశీయంగా అభివృద్ధి చేసిన తొలి హెపటైటిస్‌ ఏ టీకా (Hepatitis-A vaccine) హవిష్యూర్‌ ను హైదరాబాద్‌కు చెందిన ఇండియన్‌ ఇమ్యూనోలాజికల్స్‌ లిమిటెడ్‌(ఐఐఎల్‌-IIL) ఆవిష్కరించింది. ‘క్లినికల్‌ పరీక్షల్లో ఈ టీకా సురక్షితం, సమర్థవంతమైనదిగా నిరూపితమైంది’ అని ఐఐఎల్‌ ఎండీ ఆనంద్‌ కుమార్‌ తెలిపారు. బహుళజాతి సంస్థల టీకాలతో దీన్ని పోల్చి చూడొచ్చన్నారు.
ధర ఎంత?
ఏడాదికి పైగా వయసున్నవారు హవిష్యూర్‌ మొదటి డోసును తీసుకోవచ్చు. మొదటి డోసు తీసుకొన్న ఆరు నెలల తర్వాత రెండో డోస్‌ తీసుకోవాలి. ఒక్కో డోసు ధర ₹2,100. కలుషిత ఆహారం లేదా నీటి ద్వారా హెపటైటిస్‌ వ్యాపిస్తుంది.