Cow Urine: గో మూత్రం మానవ వినియోగానికి పనికిరాదు.. అందులో హానికారక బ్యాక్టీరియాలున్నాయన్న తాజా పరిశోధన.. బరేలీలోని ఐవీఆర్ఐ పరిశోధనలో తేలిన నిజం
గో మూత్రంలో చాలా ఆరోగ్య ప్రయోజనాలు ఉన్నాయని, ఇది పలు రోగాలను నయం చేస్తుందని అనుకుంటున్నారా? అయితే ఈ తాజా వార్త మీకోసమే. గోమూత్రంతో ఆరోగ్యం బాగుంటుందన్న వాదనలో ఎంతమాత్రమూ నిజం లేదని, ఇది మానవ వినియోగానికి అస్సలు పనికిరాదని ఐవీఆర్ఐ పరిశోధన తేల్చింది.
Lucknow, April 12: గో మూత్రంతో (Cow Urine) చాలా ఆరోగ్య ప్రయోజనాలు (Health Benefits) ఉన్నాయని, ఇది పలు రోగాలను నయం చేస్తుందని అనుకుంటున్నారా? అయితే ఈ తాజా వార్త మీకోసమే. గోమూత్రంతో ఆరోగ్యం బాగుంటుందన్న వాదనలో ఎంతమాత్రమూ నిజం లేదని (No Truth), ఇది మానవ వినియోగానికి అస్సలు పనికిరాదని ఉత్తరప్రదేశ్‌లోని (Uttarpradesh) బరేలీకి చెందిన ఇండియన్ వెటర్నరీ రీసెర్చ్ ఇనిస్టిట్యూట్ (ఐవీఆర్ఐ) పరిశోధన తేల్చింది. గో మూత్రంలో హానికారక బ్యాక్టీరియా ఉన్నట్టు పేర్కొంది. ఆరోగ్యవంతమైన ఆవులు, ఎద్దుల మూత్రంలో 14 రకాల హానికారక బ్యాక్టీరియాను పరిశోధనలో గుర్తించారు. దీనిలోని ఎషిరిచియా కోలి అనే బ్యాక్టీరియా పొట్ట ఇన్ఫెక్షన్లకు కారణమవుతుందని నిర్ధారించారు.
పరిశోధన ఇలా..
ఆవులు, గేదెలతోపాటు 73 మూత్ర నమూనాలను విశ్లేషించినట్టు పరిశోధనలో పాల్గొన్న ఐవీఆర్ఐ ఎపిడిమియాలజీ విభాగాధిపతి భోజ్‌రాజ్ సింగ్‌తోపాటు మరో ముగ్గురు పీహెచ్‌డీ విద్యార్థులు తెలిపారు. ఆవులకంటే కూడా గేదెల మూత్రంలో యాంటీ బ్యాక్టీరియల్ చర్య ఎక్కువగా ఉన్నట్టు చెప్పారు. గో మూత్రాన్ని మానవ వినియోగానికి సిఫార్సు చేయలేమని భోజ్‌రాజ్ సింగ్ స్పష్టం చేశారు.
(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)