RIP Dilip Kumar: బాలీవుడ్ దిగ్గజ నటుడు దిలీప్ కుమార్ కన్నుమూత, 'ట్రాజెడీ కింగ్'ను స్మరించుకుంటూ నివాళులు అర్పిస్తున్న రాజకీయ, సినీ ప్రముఖులు
బాలీవుడ్ దిగ్గజ నటుడు దిలీప్ కుమార్ (98) కన్నుమూశారు. వయసు మీదపడటంతో వచ్చే అనారోగ్య సమస్యలతో బాధపడుతున్న ఆయన, గత కొంతకాలంగా శ్వాస సంబంధ ఇబ్బందులతో ఆసుపత్రిలో చేరారు, ఈ క్రమంలో బుధవారం ఉదయం ఆయన తుదిశ్వాస విడిచారు.
బాలీవుడ్‌లో దిలీప్ కుమార్‌కు ట్రాజెడీ కింగ్‌గా పేరుంది. దాదాపు 60 ఏళ్ల పాటు ఆయన సినిమాలు చేశారు. ఇప్పటి వరకు 65 సినిమాల్లో నటించారు. దేవదాస్, నయా దౌర్, మొగల్ ఇ అజామ్, గంగా జమునా, క్రాంతి, కర్మ చిత్రాలు ఆయనకు మంచి గుర్తింపు తీసుకొచ్చాయి. చివరగా 1998లో వచ్చిన 'ఖిలా' అనే సినిమాలో దిలీప్ కుమార్ నటించారు.