Rana Daggubati Reaction: నా ఫేస్ రియాక్షన్ కూడా అదే! ఫిల్మ్‌ఫేర్‌కు అదరగొట్టే పంచ్ ఇచ్చిన రానా దగ్గుబాటి, సోషల్ మీడియాలో మ్యూటేట్ అవుతోన్న రానా ఫోటో మీమ్
రానా దగ్గుబాటి దిగాలుగా చూస్తున్న ఒక ఫోటోను తీసుకొని ఫిల్మ్‌ఫేర్ వారు ' కరోనా మహమ్మారి సెకండ్ వేవ్ పట్ల మా రియాక్షన్' అంటూ ట్వీట్ చేశారు. అయితే అందులో రానా దగ్గుబాటి పేరును 'రానా దాగుబట్టి' అని తప్పుగా రాశారు.....
ఫిల్మ్‌ఫేర్ సోషల్ మీడియా పేజీ రానా దగ్గుబాటి ఫోటోతో చేసిన ఒక పోస్టుకు రానా కూడా రియాక్ట్ అయ్యారు. ఆ ఫిల్మ్‌ఫేర్ వారు చేసిన ఓ తప్పిదానికి రానా సుతిమెత్తగా కౌంటర్ ఇచ్చారు. రానా దగ్గుబాటి లేటెస్ట్ మల్టీలింగ్వల్ మూవీ తెలుగులో 'అరణ్య' గా, తమిళంలో 'కాడన్' మరియు హిందీలో 'హాథీ మెరే సాథీ' టైటిల్ తో తెరకెక్కిన విషయం తెలిసిందే. అయితే ఈ సినిమాకు చెందిన ఒక స్టిల్, రానా దగ్గుబాటి దిగాలుగా చూస్తున్న ఒక ఫోటోను తీసుకొని ఫిల్మ్‌ఫేర్ వారు ' కరోనా మహమ్మారి సెకండ్ వేవ్ పట్ల మా రియాక్షన్' అంటూ ట్వీట్ చేశారు. అయితే అందులో రానా దగ్గుబాటి పేరును 'రానా దాగుబట్టి' అని తప్పుగా రాశారు. అది చూసిన రానా, అదే ఫోటోను రీట్వీట్ చేస్తూ 'ప్రతీసారి మీరు నా పేరు స్పెల్లింగ్‌ను తప్పుగా రాసినపుడు నా రియాక్షన్ కూడా అదే' అని చమత్కరించారు. రానా ఫన్నీ కౌంటర్‌తో ఇప్పుడు ఆ పోస్ట్ సోషల్ మీడియాలో విపరీతమైన షేర్లు, కమెంట్లతో వైరల్ అవుతోంది. ఇదే ఆ పోస్ట్..