Salman Khan Gets Bitten By Snake: సల్మాన్‌ ఖాన్‌‌ని మూడు సార్లు కాటేసిన పాము, ఘటనపై మీడియాతో మాట్లాడిన సల్లూ భాయ్
దుదరృష్టవశాత్తూ బర్త్‌డేకు ఒకరోజుముందు సల్మాన్‌ పాముకాటుకు గురయిన విషయం విదితమే. వెంటనే అతడికి ఆస్పత్రికి తరలించగా చికిత్స అందించిన వైద్యులు ఆయన ఆరోగ్యానికి ఎలాంటి హాని లేదని చెప్పడంతో అభిమానులు ఊపిరి పీల్చుకున్నారు.
బాలీవుడ్‌ హీరో సల్మాన్‌ ఖాన్‌ బర్త్‌డే నేడు(డిసెంబర్‌ 27). దుదరృష్టవశాత్తూ బర్త్‌డేకు ఒకరోజుముందు సల్మాన్‌ పాముకాటుకు గురయిన విషయం విదితమే. వెంటనే అతడికి ఆస్పత్రికి తరలించగా చికిత్స అందించిన వైద్యులు ఆయన ఆరోగ్యానికి ఎలాంటి హాని లేదని చెప్పడంతో అభిమానులు ఊపిరి పీల్చుకున్నారు. ఈ ఘటన గురించి సల్మాన్‌ మీడియా ముందుకు వచ్చాడు. ఒక పాము నా ఫామ్‌హౌస్‌లోకి వచ్చింది. ఒక కట్టెతో దాన్ని అవతలకు పారేయాలనుకున్నా. కానీ అది వెంటనే నా చేతిపైకి పాకింది. దాన్ని కిందపడేసేలోపే మూడుసార్లు నన్ను కాటేసింది. అది ఒకరకమైన విషపూరిత పాము అనిపించింది. ఆసుపత్రిలో ఆరు గంటలు ఉన్న తర్వాత నన్ను డిశ్చార్జ్‌ చేశారు. ప్రస్తుతం బాగానే ఉన్నాను' అని చెప్పుకొచ్చాడు.