Kavita Chaudhary Dies: సినీ పరిశ్రమలో మరో విషాదం, గుండెపోటుతో ప్రముఖ నటి కవితా చౌదరి మృతి, సంతాపం వ్యక్తం చేసిన ప్రముఖులు
1989లో వచ్చిన సూప‌ర్‌హిట్ టీవీ షో ఉడాన్‌లో ఐపీఎస్ అధికారిణి పాత్ర‌లో ప్రేక్ష‌కుల మ‌న్న‌న‌లు పొందిన ప్రముఖ నటి కవితా చౌదరి (67) గుండెపోటుతో మ‌ర‌ణించారు. అమృత్‌స‌ర్‌లోని పార్వ‌తిదేవి ఆస్ప‌త్రిలో కార్డియాక్ అరెస్ట్‌తో గురువారం తుదిశ్వాస విడిచార‌ని ఆమె స్నేహితురాలు సుచిత్ర వ‌ర్మ వెల్ల‌డించారు
సినీ పరిశ్రమలో మరో తీవ్ర విషాదం చోటు చేసుకుంది. 1989లో వచ్చిన సూప‌ర్‌హిట్ టీవీ షో ఉడాన్‌లో ఐపీఎస్ అధికారిణి పాత్ర‌లో ప్రేక్ష‌కుల మ‌న్న‌న‌లు పొందిన ప్రముఖ నటి కవితా చౌదరి (67) గుండెపోటుతో మ‌ర‌ణించారు. అమృత్‌స‌ర్‌లోని పార్వ‌తిదేవి ఆస్ప‌త్రిలో కార్డియాక్ అరెస్ట్‌తో గురువారం తుదిశ్వాస విడిచార‌ని ఆమె స్నేహితురాలు సుచిత్ర వ‌ర్మ వెల్ల‌డించారు. కాగా ఈ హీరోయిన్ గత కొన్నేళ్లుగా క్యాన్స‌ర్‌తో బాధ‌ప‌డుతున్నారు. డీడీలో ఉడాన్‌ సిరీస్ ముఖ్య న‌టిగా, ఐకానిక్ సర్ఫ్ క‌మ‌ర్షియ‌ల్ యాడ్స్‌లో మెరిసిన కవితా చౌదరి ఎంతో పేరుతెచ్చుకున్నార‌ని, త‌న‌కు మాత్రం ఆమెతో అనుబంధం అధిక‌మ‌ని సుచిత్ర వ‌ర్మ ఇన్‌స్టాగ్రాంలో రాసుకొచ్చారు.
Here' News