Sonia Gandhi Admitted to Hospital: శ్వాసనాళాల వాపుతో ఆస్పత్రిలో చేరిన సోనియాగాంధీ, ప్రస్తుతం ఆరోగ్యం నిలకడగా ఉందని తెలిపిన వైద్యులు

కాంగ్రెస్ పార్టీ మాజీ అధినేత్రి సోనియాగాంధీ అస్వస్థతకు గురయ్యారు. ఆమెను ఢిల్లీలోని గంగారామ్ ఆసుపత్రికి తరలించారు. ఆమె బ్రాంకైటిస్ (శ్వాసనాళాల వాపు) తో బాధపడుతున్నారని వైద్యులు తెలిపారు. 76 ఏళ్ల సోనియాగాంధీ ఆరోగ్య పరిస్థితి నిలకడగా ఉందని వెల్లడించారు. వాస్తవానికి ఆమె నిన్ననే ఆసుపత్రిలో చేరినప్పటికీ... ఈ విషయం ఆలస్యంగా బయటకు వచ్చింది. జ్వరం లక్షణాలతో ఆమె ఆసుపత్రికి వచ్చారని... చెస్ట్ మెడిసిన్ డిపార్ట్ మెంట్ సీనియర్ కన్సల్టెంట్ ఆరుప్ బసు నేతృత్వంలోని వైద్య బృందం ఆమెను పర్యవేక్షిస్తోందని ఆసుపత్రి ఛైర్మన్ డీఎస్ రాణా చెప్పారు.ఈ ఏడాది ఆమె ఆసుపత్రిలో చేరడం ఇది రెండో సారి. జనవరిలో శ్వాసకు సంబంధించిన వైరల్ ఇన్ఫెక్షన్ కారణంగా ఆమె హాస్పిటల్ లో చేరారు.

Here's ANI Tweet