Anant-Radhika Wedding Card: అనంత్ అంబానీ-రాధిక మర్చంట్ వెడ్డింగ్ కార్డు చూస్తే మతిపోవాల్సిందే, వైరల్ అవుతున్న పెళ్లి కార్డు వీడియో ఇదిగో..
రిలయన్స్ అధినేత ముఖేశ్ అంబానీ చిన్న కుమారుడు అనంత్ అంబానీ-రాధిక మర్చంట్ వివాహం జులై 12న జరగనుంది. పెళ్లి ఏర్పాట్ల మధ్య అంబానీ ఫ్యామిలీ పెళ్లి కార్డులను కూడా పంచిపెడుతోంది. ఈ క్రమంలో అంబానీ పెళ్లి పత్రిక తాలూకు వీడియో ఒకటి తాజాగా బయటకు వచ్చింది.
రిలయన్స్ అధినేత ముఖేశ్ అంబానీ చిన్న కుమారుడు అనంత్ అంబానీ-రాధిక మర్చంట్ వివాహం జులై 12న జరగనుంది. పెళ్లి ఏర్పాట్ల మధ్య అంబానీ ఫ్యామిలీ పెళ్లి కార్డులను కూడా పంచిపెడుతోంది. ఈ క్రమంలో అంబానీ పెళ్లి పత్రిక తాలూకు వీడియో ఒకటి తాజాగా బయటకు వచ్చింది. ఈ వెడ్డింగ్ కార్డ్ వీడియో ప్రస్తుతం సోషల్ మీడియాలో వైరల్ అవుతోంది.
వివాహ ఆహ్వాన పత్రికను ఒక ప్రత్యేక పెట్టె రూపంలో తీర్చిదిద్దారు. దీనికి లైట్లు, ఎరుపు రంగుతో అలంకరించారు. ఇక బాక్స్ ఓపెన్ చేయగానే ఓం అంటూ మంత్రం వినిపిస్తుంది. అందులో వెండితో చేసిన ఆలయం కనిపిస్తుంది. ఆ ఆలయం లోపల వెండితోనే చేసిన వినాయకుడు, దుర్గామాత, రాధాకృష్ణ విగ్రహాలు ఉన్నాయి. దేవుళ్ల శిల్పాలతో తయారు చేయబడిన ఈ ఆహ్వాన పత్రిక ఒక చక్కటి కళాఖండాన్ని తలపిస్తుంది. అతిథులకు ఈ వెండి కార్డుతో పాటు పలు బహుమతులు కూడా ఇస్తున్నట్లు సమాచారం. వీవీఐపీ అతిథులకు అంబానీ కుటుంబ సభ్యులే స్వయంగా వెళ్లి కార్డులు ఇస్తున్నారట. అనంత్ అంబానీ, రాధిక మర్చంట్ వివాహం ముంబైలోని జియో వరల్డ్ కన్వెన్షన్ సెంటర్లో జరగనుంది.
Here's Video