Google Doodle Pani Puri: పానీ పూరీ వేడుకలు, గూగుల్ డూడుల్‌లో దుమ్ము రేపుతున్న ఇండియన్ స్ట్రీట్ పుడ్, ప్రపంచ రికార్డు నెలకొల్పి ఇప్పటికీ 8 ఏళ్లు

దక్షిణాసియాలో అత్యంత ప్రాచుర్యం పొందిన స్ట్రీట్ పుడ్ పానీ పూరీ. దీన్ని గప్ చుప్, గోల్ గప్పా అని కూడి పిలుస్తారు. ఏ కాలంలో అయినా పానీపూరీకి ప్రజాదరణ ఏ మాత్రం తగ్గదు.పానీపూరిపై ప్రపంచ రికార్డు నెలకొల్పి 8 ఏళ్లు అవుతున్న సందర్భంగా ప్రముఖ సెర్జ్‌ ఇంజిన్‌ గూగుల్‌ ప్రత్యేక డూడుల్‌ను రూపొందించింది. దీంతో పాటు పానీపూరీ ఆకృతులతో ఓ ఇంటరాక్టివ్‌ గేమ్‌ను తీసుకొచ్చింది. నెటిజన్లను ఈ గేమ్‌ తెగ ఆకట్టుకుంటోంది.

2015 జులై 12న మధ్యప్రదేశ్‌లోని ఇందౌర్‌లో ఒక రెస్టారెంట్‌ 51 రకాల రుచికరమైన పానీపూరీలను అందించి ప్రపంచ రికార్డు నెలకొల్పింది. దీంతో ఇప్పుడు గూగుల్‌ 8 ఏళ్ల తర్వాత ఈ రికార్డును గుర్తుచేస్తూ పానీపూరీ డూడుల్‌ను తీసుకువచ్చింది. వివిధ భిన్న సంస్కృతులు, ప్రాంతీయ వైవిధ్యాలు ఉన్న మనదేశంలో దీనిని రకరకాల పేర్లతో పిలుస్తారన్న విషయం తెలిసిందే.