UP Horror: ఉత్తరప్రదేశ్‌లో దారుణం.. ముస్లిం విద్యార్థిని కొట్టేలా ప్రోత్స‌హించిన టీచ‌ర్‌

Lucknow, Aug 26: ఉత్త‌ర‌ప్ర‌దేశ్‌ లోని (Uttarpradesh) ముజ‌ఫ‌ర్‌న‌గ‌ర్‌లో ఓ ప్రైవేటు స్కూల్‌(school teacher)లో ముస్లిం విద్యార్ధిని (Muslim Students) చెంప దెబ్బ‌లు కొట్టేరీతిలో తోటి హిందూ విద్యార్థుల్ని ప్రోత్స‌హించిన టీచ‌ర్‌ కు చెందిన వీడియో ఒక‌టి వైర‌ల్ (Viral) అవుతోంది. ఎక్కాలను గుర్తుపెట్టుకోని కారణంగా సదరు బాలుడిని టీచర్ విద్యార్థులతో కొట్టించినట్టు తెలుస్తోందని, వైరల్ అయిన వీడియోలో ఉపాధ్యాయురాలు ముస్లింలపై చేసిన వివాదాస్పద కామెంట్లు కూడా రికార్డయ్యాయని తెలిపారు. ఆ వీడియో గురించి పోలీసులు విచార‌ణ చేప‌ట్టారు. పిల్ల‌వాడిని కొడుతున్న వీడియోను రాహుల్ గాంధీ త‌న సోష‌ల్ మీడియా అకౌంట్‌ లో పోస్టు చేశారు. ప‌విత్ర‌మైన స్కూల్‌ ను మ‌త‌విద్వేషాల‌కు వాడుకుంటున్న‌ట్లు ఆయ‌న బీజేపీపై ఫైర్ అయ్యారు.