Hyderabad Shocker: దారుణం.. బ్యాంక్ లాకర్ గదిలోనే రాత్రంతా వృద్ధుడు, జూబ్లీహిల్స్ యూనియన్ బ్యాంక్ సిబ్బంది నిర్వాకం,ఆస్పత్రిలో చికిత్స పొందుతున్న బాధితుడు
జూబ్లీహిల్స్ యూనియన్ బ్యాంక్ సిబ్బంది నిర్లక్ష్యం ఓ వృద్ధుడి ప్రాణాలమీదకు వచ్చింది. లాకర్ గదిలోనే వృద్ధుడు కృష్ణారెడ్డిని ఉంచి బ్యాంకుకు తాళాలు వేసుకుని వెళ్లిపోయారు. మంగళవారం ఉదయం లాకర్ రూమ్లో అపస్మారక స్థితిలో ఉన్న వృద్ధుడిని సిబ్బంది గమనించారు.
జూబ్లీహిల్స్ యూనియన్ బ్యాంక్ సిబ్బంది నిర్లక్ష్యం ఓ వృద్ధుడి ప్రాణాలమీదకు వచ్చింది. లాకర్ గదిలోనే వృద్ధుడు కృష్ణారెడ్డిని ఉంచి బ్యాంకుకు తాళాలు వేసుకుని వెళ్లిపోయారు. మంగళవారం ఉదయం లాకర్ రూమ్లో అపస్మారక స్థితిలో ఉన్న వృద్ధుడిని సిబ్బంది గమనించారు. వెంటనే ఆస్పత్రికి తరలించారు. బ్యాంక్ సిబ్బంది నిర్వాకంపై కృష్ణారెడ్డి కుటుంబసభ్యులు ఆగ్రహం వ్యక్తం చేశారు. సిబ్బందిపై అధికారులు తగిన చర్యలు తీసుకోవాలని డిమాండ్ చేశారు.
బ్యాంక్ మూసివేసే సమయంలో కనీసం గదులు తనిఖీ చేయకపోవడంపై మండిపడ్డారు. రాత్రంతా లాకర్ రూమ్లో కృష్ణారెడ్డి బిక్కుమంటూ గడిపారు. అన్నాపానీయాలు లేక స్పృహతప్పిపోయారు. ప్రస్తుతం ఆయన ఆస్పత్రిలో చికిత్స పొందుతున్నారు. పరిస్థితి మెరుగ్గా ఉన్నట్లు సమాచారం. నిన్న సాయంత్రం అతను యూనియన్ బ్యాంక్ లాకర్స్ గదిలో ప్రమాదవశాత్తు బంధించబడ్డాడు. సీసీటీవీ కెమెరాలను పరిశీలించిన జూబ్లీహిల్స్ పోలీసులు విజయవంతంగా అతడిని రక్షించి ఆస్పత్రికి తరలించారని SHO JUBILEE HILLS రాజశేఖర్ రెడ్డి తెలిపారు.