IPL 2023: మరీ ఇంత చెత్త బౌలింగ్ ఏంది సామి, 4 ఓవర్లకు 50 పరుగులా, క్రిస్ జోర్డాన్ దారుణ ప్రదర్శనపై మండిపడుతున్న ముంబై ఇండియన్స్ అభిమానులు
ఐపీఎల్-2023లో ఇంగ్లండ్ ఫాస్ట్ బౌలర్, ముంబై ఇండియన్స్ పేసర్ క్రిస్ జోర్డాన్ అత్యంత చెత్త ప్రదర్శన కనబరుస్తున్నాడు.అర్చర్ స్థానంలో జట్టులోకి వచ్చిన జోర్డాన్ తీవ్ర నిరాశపరుస్తున్నాడు.
ఐపీఎల్-2023లో ఇంగ్లండ్ ఫాస్ట్ బౌలర్, ముంబై ఇండియన్స్ పేసర్ క్రిస్ జోర్డాన్ అత్యంత చెత్త ప్రదర్శన కనబరుస్తున్నాడు.అర్చర్ స్థానంలో జట్టులోకి వచ్చిన జోర్డాన్ తీవ్ర నిరాశపరుస్తున్నాడు.మంగళవారం లక్నో సూపర్ జెయింట్స్తో జరిగిన కీలక మ్యాచ్లో జోర్డాన్ భారీగా పరుగులు సమర్పించుకున్నాడు. ఈ మ్యాచ్లో తన నాలుగు ఓవర్ల కోటాలో వికెట్ ఏమీ తీయకుండా 50 పరుగులిచ్చాడు. ముఖ్యంగా 18 ఓవర్ వేసిన జోర్డాన్కు లక్నో ఆల్రౌండర్ స్టోయినిష్ చుక్కలు చూపించాడు. ఈ ఓవర్లో ఏకంగా 24 పరుగులు స్టోయినిష్ రాబట్టుకున్నాడు.
దీంతో లక్నో 177 పరుగుల భారీ స్కోర్ సాధించింది. ఇక ఈ ఏడాది సీజన్లో ఇప్పటివరకు 3 మ్యాచ్లు ఆడిన జోర్డాన్ కేవలం ఒక్క వికెట్ మాత్రమే పడగొట్టాడు. ఈ మూడు మ్యాచ్లు కలిపి 12 ఓవర్లు బౌలింగ్ చేసిన ఈ ఇంగ్లీష్ బౌలర్ .. ఏకంగా 132 పరుగులిచ్చాడు. ఇక చెత్త ప్రదర్శన కనబరుస్తున్న జోర్డాన్పై ముంబై ఫ్యాన్స్ విమర్శల వర్షం కురిపిస్తున్నారు. ఇదేమి చెత్త బౌలింగ్, ఇంతకమించి ఎవరూ దొరకలేదా? అంటూ సోషల్ మీడియాలో ట్రోలు చేస్తున్నారు.